ಹನಿಗಳು….ಅಷ್ಟೇ…!!

 

(ನನ್ನ ಅಂತರಂಗದ ಆಪ್ತಸ್ವರ ಪುಸ್ತಕದಿಂದ ಎತ್ತಿಕೊಂಡಿದ್ದು …. )

 

ಕಣ್ಣಿನ ಭಾಷೆ ಕಲಿತುಕೋ ಗೆಳತಿ

ಕೇಳಿಸಿಕೋ ಈ ಮೌನದ ವಿನತಿ

ಹೃದಯ ಸಂವೇದನೆಯ ಮಾತಲಿ ಹೇಳೋದು ಹ್ಯಾಗೆ

ಅರಿವಾಗಬೇಕು ನಿನಗೇ ಗೊತ್ತಾಗದ ಹಾಗೆ

 

<< >><< >><< >><< >><< >><< >><<< >><< >>

 

ನೀನಿಲ್ಲದೇ ಹೋದರೂ

ನೀ ನಿಲ್ಲದೇ ಹೋದರೂ

ನಾ ನಿಲ್ಲದಾದರೂ

ನಾನಿಲ್ಲವಾದರೂ

ಹುಸಿಯಾದೀತೇ ನನ್ನ ನಿನ್ನ ಪ್ರೀತಿ?

 

<< >><< >><< >><< >><< >><< >><<< >><< >>

 

ಕಾಡುವ ಪ್ರಶ್ನೆಗಳೇ ಹೀಗೆ-

ಮನವ ಕೆದಕಿ,

ಯೋಚನೆಯ ಬೆದಕಿ,

ಸುಡುವ ಬಿಸಿಲಿನ ಬೇಗೆ

ಥೇಟ್ ನಿನ್ನ ನೆನಪಿನ ಹಾಗೆ!

 

<< >><< >><< >><< >><< >><< >><<< >><< >>

 

ಕನಸಲ್ಲಿ ಬರುವ ಬೆಡಗಿಯರೇ

ನಿಜದಿ ಎದುರಾಗಬೇಡಿ

ನಿರೀಕ್ಷೆಗಳಲ್ಲಿರುವ ಸುಖವ

ಹುಸಿಯಾಗಿಸಬೇಡಿ

 

<< >><< >><< >><< >><< >><< >><<< >><< >>

 

ಎಲ್ಲೋ ಯಾರೋ ಏಕೋ ಹೇಗೋ ಇಷ್ಟವಾಗಿ

ಕಣ್ಣ ಮಾತು – ಅದುರೋ ಅಧರದಿಂದ ಸ್ಪಷ್ಟವಾಗಿ

ಮನದ ಮುಗಿಲಲಿ ಈಗ ಗಾಳಿಪಟ

ಎದೆಯೊಳಗಿನ ಸಂಕೋಚವೀಗ ಧೂಳಿಪಟ

 

<< >><< >><< >><< >><< >><< >><<< >><< >>