ಹೆಸರಿಡಬೇಕೇಕೆ ಕಣ್ಣ ಹನಿಗಳಿಗೆ…?

ಕವಿತೆ ಬರೆಯಬೇಕೆಂದು

ನಾನೇನು ಬಯಸಿರಲಿಲ್ಲ…

ನಿನ್ನ ಬಯಸಿದ ತಪ್ಪಿಗೆ

ಬರೆಯದೇ ವಿಧಿ ಇರಲಿಲ್ಲ

——————-

ಸಖಿ, ನಿನ್ನ ವಿಲಾಸಕೆ ಮನಸೋತು

ವಿಳಾಸವಿಲ್ಲದಂತಾದೆ…

ನಿನ್ನ ಉಸಿರಲಿ ಉಸಿರಾದೆ ನೋಡು

ಹೇಳ ಹೆಸರೇ ಇಲ್ಲದಂತಾದೆ…!!

ಮತ್ತೆರಡು ಹುಂಡು…

ನಿನ್ನ ಕಣ್ಣಲ್ಲರಳಿದ

ನಗೆಮಲ್ಲಿಗೆಯ ನರುಗಂಪಿಗೆ..

ಮನದ ಮಾಮರದ

ಚಿಗುರೆಲೆಗೇಕೀ ಕಂಪನ…?

—————-

ಗೆಳತಿ..ನೀನೊಂದು ಬರೆಯದೇ ಹೋದ

ಪ್ರೇಮ ಪತ್ರ…

ನಾನದರ ಪ್ರತೀಕ್ಷೆಯಲೇ ನಿರ್ಗಮಿಸಿದ

ದುರಂತ ಪಾತ್ರ