Archive for ಸೆಪ್ಟೆಂಬರ್ 8, 2008

ನೀರೋ ನೀರೋ ನೀರೋ ನೀರೋ…..!!

Posted: ಸೆಪ್ಟೆಂಬರ್ 8, 2008 in aNaka
ಟ್ಯಾಗ್ ಗಳು:, , ,

 

ಕಾವೇರಿ ವಿವಾದದ ಮಧ್ಯಂತರ ತೀರ್ಪು ಬಂದ ಸಂದರ್ಭದಲ್ಲಿ ಬರೆದ ಅಣಕ ಪದ್ಯ ಇದು. ವಿಜಯಕರ್ನಾಟಕದ ಸಿಂಪ್ಲಿಸಿಟಿ ಪೇಜ್‌ನಲ್ಲಿ ಕೂಡಾ ಈ ಪದ್ಯ ಪ್ರಕಟವಾಗಿತ್ತು. ಅಜೇಯ ಚಿತ್ರದ ಹೀರೋ ಹೀರೋ..ಹಾಡಿದೆಯಲ್ಲ ಅದೇ ಧಾಟಿಯಲ್ಲಿ ಹಾಡಿ ನೋಡಿ

 

ನೀರೋ ನೀರೋ ನೀರೋ ನೀರೋ   

ನಮ್ದೆ ನಮ್ದೆ ನಮ್ದೆ ನಮ್ದೇ…

 

ಕೊಡಗಿನ ನಮ್ಮ ಕಣ್ಮಣಿ

ರೈತರ ಬಾಳ ದಿನಮಣಿ

ಕೇಳೋ ನಮ್ಮಾ ಪ್ರಿಯ ತಮ್ಮಾ

ಕಾವೇರೀನೇ ನಮ್ಮಮ್ಮಾ

ಮಣ್ಣಿನಾ ಮಕ್ಕಳನ್ನು ಕೊಲ್ಲಬೇಡಿರೋ

ಕಣ್ಣೀರಿನ ಕಥೆಯನ್ನು ಸ್ವಲ್ಪ ಕೇಳಿರೋ

 

ಮಳೆಯೊಂದು ಬಂದರೆ

ನಮಗಿಲ್ಲ ತೊಂದರೆ

ಎಷ್ಟು ಬೇಕು ನೀರು ಕೊಡುವೆವು

ಮಳೆ ಬೀಳದೆ ಹೋದರೆ

ಬರಗಾಲ ಬಂದರೆ

ಎಲ್ಲಿಂದಣ್ಣ ನೀರ ತಂದೇವು?

 

ಹೊಡೆದಾಟ ಏತಕೆ,

ಬರಲಾರದೆ ಏಕತೆ,

ಈ ಜಗಳ ಕಾದಾಟವೇತಕೆ,

ನದಿ ನೀರಿನ ಹಂಚಿಕೆ,

ತೀರ್ಮಾನ ಹೇಳೋಕೆ,

ಕಾನೂನಿನ ಗೊಡವೆ ಏತಕೆ

 

ವ್ಯತ್ಯಾಸ ಹೇಳ್ವೆವು, ನ್ಯಾಯವನು ಬೇಡ್ವೆವು

ನ್ಯಾಯ ಸಿಗದಿರೆ, ಅನ್ಯಾಯ ಸಹಿಸೆವು

ಸದಾ ನಮ್ಮ ಕೊರಳು ಕೊಯ್ದು

ನರಳುವಂತೆ ಮಾಡಿಬೇಡಿರೋ…

 

|| ನೀರೋ ನೀರೋ ||

 

ನಿಮ್ಮೂರ ರೈತರು,

ನಮ್ಮೂರ ಕೃಷಿಕರು,

ಹೇಗೆ ತಾನೆ ಬೇರೆ ಹೇಳಿರಿ,

ಈ ನಮ್ಮ ಜಗಳವು,

ಮುಗಿಸೋದು ಸುಲಭವು,

ಹಂಚಿಕೊಂಡು ಬಾಳುವ ನಾವು

 

ನದಿ ಹುಟ್ಟೋದ್ ಇಲ್ಲಿಯೇ

ಅಣೆಕಟ್ಟು ನಮ್ಮದೇ

ಸಿಂಹಪಾಲು ನಿಮಗೆ ಕೊಟ್ಟರೆ,

ಯಾಕಿಂಥ ಶೋಷಣೆ

ಮಲತಾಯಿ ಧೋರಣೆ

ನಮ್ಮ ಜನಕೆ ನೀರು ಬೇಡವೆ?

 

ಪಣವು ತೊಡುವೆವು, ಹೋರಾಟ ಮಾಡ್ವೆವು

ಅನ್ಯಾಯ ಸೋಲಿಸಿ, ನ್ಯಾಯವನು ಪಡೆವೆವು

ಕನ್ನಡಾಂಬೆ ಆಣೆಯಾಗಿ ಜಯವನ್ನು ಪಡೆದೆ ಪಡೆವೆವು…

 

|| ನೀರೋ ನೀರೋ ||

 

Advertisements