ಅಂತರಾಳದ ದನಿಗಳು …ಈ ಹನಿಗಳು

Posted: September 22, 2008 in ಮನಸಿನ ಹಾಡು
Tags: , , ,

(ಎಲ್ಲವನ್ನೂ ನನ್ನ ಅಂತರಂಗದ ಆಪ್ತಸ್ವರಪುಸ್ತಕದಿಂದ ಹೆಕ್ಕಿಕೊಳ್ಳಲಾಗಿದೆ)

 

ನಿನ್ನ ನೆನಪುಗಳದೇ ಒಂದು

ವಿಶೇಷ ಪುರವಣಿ ತಂದರೂ

ಉಳಿದೇ ಹೋಗಿವೆ ಒಂದು

ವಿಶೇಷಾಂಕ ತುಂಬುವಷ್ಟು 

———————————————————-

 

ಬೂದಿಯಾಗಲಿ ನೆನಪು ಅಂತ

ಭಾವನೆಗಳಿಗೆ ಬೆಂಕಿ ಇಟ್ಟೆ

ಇಲ್ಲವಾಗಲಿ ಆಸೆ ಅಂತ

ಕನಸುಗಳಿಗೆ ಕೊಳ್ಳಿ ಇಟ್ಟೆ

ಆದರೆ ಕೊನೇಲಿ ಆಗಿದ್ ಇಷ್ಟೇ…

ಕನಸುಗಳು ಕೆಂಡವಾಗಿ

ಭಾವನೆಗಳು ಬೂದಿಯಾಗಿ 

ನೆನಪುಗಳ ಹೊಗೆ ನನ್ನ ಆವರಿಸಿತಷ್ಟೇ…

 

———————————————————-

 

ಎದೆಯ ನೂರು ಭಾವಗಳಲಿ ಯಾವುದನು ಬಚ್ಚಿಡಲಿ

ನೆನಪು ಬುತ್ತಿಗಂಟಿನಿಂದ ಏನನು ಬಿಚ್ಚಿಡಲಿ

ಮನಸುಭಾವ ಎಲ್ಲಾ ನೀನೇ ಎಷ್ಟು ದಿನ ಮುಚ್ಚಿಡಲಿ

ಹೇಳೇ ಸಖಿ ಎನಿತು ಕಾಲ ಎದೆಯಾಸೆಗೆ ಕಿಚ್ಚಿಡಲಿ

ಇಂದಲ್ಲಾ ನಾಳೆ ನೀ ಬರುವೆಯೆಂಬ ನೆಚ್ಚಿನಲಿ….ಹುಚ್ಚಿನಲ್ಲಿ

———————————————————-

 

ಚುಕ್ಕಿಯಿಟ್ಟು ಅಳಿಸಿಬಿಟ್ಟೆ ಒಲವಿನ ರಂಗವಲ್ಲಿ

ನಿಲ್ಲಿಸಿ ಹೋದೆ ಕೊಳಲನು ಬಿಸುಟು ಹಾಡಿನ ನಡುವಲ್ಲಿ

ಅರಳುವ ಮೊದಲೇ ಬಾಡಿತು ಏಕೆ ನಲ್ಮೆಯ ಹೂ-ಗಿಡ-ಬಳ್ಳಿ

ಆರಿಸಿದೆ ನೀ ಪ್ರೀತಿಯ ಸೊಡರನು ನಿಶೆಯ ನಟ್ಟಿರುಳಲ್ಲಿ

ಆದರೂ ಒಂದು ತುಣುಕು ಆಸೆ, ಭರವಸೆ ನನ್ನೆದೆಯಲ್ಲಿ

ಸಿಗಲಾರೆಯಾ ನೀ ಇಂದಲ್ಲವಾದರೂ ಮುಂದಿನ ಜನುಮದಲ್ಲಿ

———————————————————-

 

ಕಳಚಿಕೊಂಡಷ್ಟೂ ನಿನ್ನ ನೆನಪಿನ ಹಂಗು

ಮತ್ತೆ ಮರಳುವ ಇದ್ಯಾತರದ ಗುಂಗು

 

ಕಳಚಿಟ್ಟ ಮೇಲೂ ಬಣ್ಣದ ವೇಷ

ಉಳಿದೇ ಹೋದಂತೆ ರಾತ್ರಿಯ ಆವೇಶ

 

ಮುಗಿದೇ ಹೋದ ಮೇಲೂ ಹಾಡಿನ ಚರಣ

ಮನಸಿನಲ್ಲೇಕೋ ಆಲಾಪದ ಅನುರಣನ

 

ಕಳೆದ ಮೇಲೂನೂ ಮಾಗಿಯ ಚಳಿ

ಗ್ರೀಷ್ಮದಲಿ ನೆನಪಾಗಿ ಏನೋ ಕಚಗುಳಿ

 

ನಿಂತು ಹೋದ ಮೇಲೂ ಜಡಿಮಳೆಯ ಜೋರು

ತೊಟ್ಟಿಕ್ಕುವಂತೆ ಮರದಿಂದ ಹನಿಯಾಗಿ ನೀರು

 

ಕಳೆದು ಹೋದ ಮೇಲೂನೂ ಇದ್ದಂತೆ ಭಾಸ

ನೀ ಬಂದ ಮೇಲಷ್ಟೇ ಮುಗಿದೀತು ಧ್ಯಾಸ

———————————————————- 

 

ಮಾಡಿಲ್ಲ ಕವನ ಪೂರ್ತಿ

ಎಲ್ಲಿ ಮರೆಯಾದೇ ನೀ ಸ್ಫೂರ್ತಿ

ಕನಸಲ್ಲಾದ್ರೂ ಒಂದು ಸರ್ತಿ

ಕಾಯ್ತೀನಿ ಬಾರೇ ಮಾರಾಯ್ತಿ

———————————————————- 

Comments
  1. ಒಂದೊಂದೂ ಹನಿಗಳ ಅರ್ಥ ಸಾಗರದಷ್ಟೇ ಆಳವಾಗಿದೆ ಅಂದ ಹಾಗೆ “ಧ್ಯಾಸ”
    ಅಂದರೇನು ?

  2. ಶಿಶಿರ ಕನ್ನಂತ says:

    ವಾರೆ ವ್ಹಾ…………

ನಿಮ್ಮ ಅನಿಸಿಕೆ ಹೇಳಿ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s