Archive for ಅಕ್ಟೋಬರ್ 16, 2008

ಹನಿ ಹನಿ ಸೇರಿ ಸಾಗರವಾಗಿ….

Posted: ಅಕ್ಟೋಬರ್ 16, 2008 in ಮನಸಿನ ಹಾಡು
ಟ್ಯಾಗ್ ಗಳು:

ಇವೆಲ್ಲವೂ ಇವತ್ತಿನ(16 ಅಕ್ಟೋಬರ್) ವಿಜಯಕರ್ನಾಠಕದಲ್ಲಿ ‘ಹನಿ ಹನಿ’ಯಲ್ಲಿ ಬಂದಂತ ನನ್ನ ಹನಿಗಳು…..

ಸತ್ತು ಹೋದ
ಸಂಬಂಧವ
ನೆನೆಯೋದ್ಯಾಕೆ ಅಂತಿರಾ?
ಸತ್ತವರು
ಬದುಕಿ ಬಂದ
ಪವಾಡಗಳಿವೆ ನಂಬ್ತೀರಾ?
—————————

ಆಕಳಿಕೆ ಬಂದಾಗಲೆಲ್ಲ
ಯಾರೋ ನೆನಪಿಸಿಕೊಂಡರು
ಅಂತಾರೆ…
ಅಯ್ಯೋ.. ನಿಂಗಂತೂ
ದಿನವಿಡೀ ಆಕಳಿಸೋದೇ
ಹಂಗಾರೆ

—————————

ನಿನ್ನೇ ನಾನ್ಯಾಕೆ ಆರಿಸಿದ್ದು
ಅಂತ ಕೇಳಿದ್ದೆ ನೀನೊಮ್ಮೆ
ಈಗ ನಿನ್ನ ನೆನಪಾದಾಗಲೆಲ್ಲ
ನನ್ನೇ ನಾ ಕೇಳೋದು ಅದನ್ನೇ

———————

ನಮ್ಮ ಪ್ರೀತಿಯ ಕೊಲೆಗಾರಳು
ನೀನೇ ಆದರೂ
ನನಗೇಕೆ
ನಿನ್ನ ನೆನಪಲಿ ನರಳುವ
ಜೀವಾವಧಿ ಶಿಕ್ಷೆ?