Archive for ಜೂನ್ 21, 2010

ಗಮ್ಯವೆತ್ತಲೋ… ಗುರಿ ಯಾವುದೋ

ಗೊತ್ತಿಲ್ಲ… ಓಡುತ್ತಿದ್ದೇವೆ

ಮುಗ್ಗರಿಸಿ ಬಿದ್ದರೂ ಸಾವರಿಸಿಕೊಂಡೆದ್ದು

ಮತ್ತೆ ಓಡುತ್ತಿದ್ದೇವೆ

ಕಾಲಕ್ಕೆ ತಕ್ಕಂತೆ ಕೋಲ… ಬೆಂಕಿ ಹಚ್ಚಿದ ಬಾಲ

ದಿಕ್ಕೆಟ್ಟು ಓಡುತ್ತಿದ್ದೇವೆ

ಸಂಬಂಧ-ಬಂಧ ಅನುರಾಗ ಅನುಬಂಧ

ಧಿಕ್ಕರಿಸಿ ಓಡುತ್ತಿದ್ದೇವೆ

ಸ್ಪರ್ಧೆಯೋ ಜಿದ್ದೋ…ಅರಿಯದೆಯೋ ಅರಿತಿದ್ದೋ

ಒಟ್ಟಾರೆ ಓಡುತ್ತಿದ್ದೇವೆ

ಗೆಲ್ಲುವುದೆಂಬುದೇ ಇಲ್ಲ, ಬರಿ ಮೈಲಿಗಲ್ಲುಗಳೇ ಎಲ್ಲ

ದಾಟಿ ಮುನ್ನುಗ್ಗಿ… ಓಡುತ್ತಿದ್ದೇವೆ

ಕೊನೆಯಿಲ್ಲದ ಈ ಓಟ… ಕೊನೆಯ ನಿಲ್ದಾಣದ ತನಕ

ನಿಲ್ಲದೇ ಓಡುತ್ತಿದ್ದೇವೆ