ವಿಜಯರಾಜ್ ಕನ್ನಂತ
ಈ ಮೂರು ಮತ್ತೊಂದು ಹನಿಗಳು ಇವತ್ತಿನ ವಿಜಯಕರ್ನಾಟಕದ ಸಿಂಪ್ಲಿಸಿಟಿ ಪುಟದಲ್ಲಿ ಪ್ರಕಟವಾಗಿವೆ
———————————————————————-
ಪ್ರಶ್ನೆಗಳು ಪ್ರಶ್ನೆಗಳಾಗಿಯೇ
ಬದುಕಿರಲಿ ಬಿಡು ಗೆಳತಿ
ಸುಳ್ಳು ಸಮರ್ಥನೆಗಳ ನೆಪದಲಿ
ಅವುಗಳ ಉತ್ತರ ಕ್ರಿಯೆ
ಆಗೋದು ಬೇಡ
———————————-
ಎಷ್ಟು ಕೂಡಿ ಕಳೆದರೂ
ತಾಳೆಯಾಗದ ಈ ಗಣಿತವೇ ಹೀಗೆ,
ಎಷ್ಟು ಕೂಡಿ ಕಲೆತರೂ
ಅರ್ಥವಾಗದ ವನಿತೆಯ ಹಾಗೆ !!
———————————-
ಪರೀಕ್ಷೆಯಲಿ ಬಿಟ್ಟ ಸ್ಥಳ ತುಂಬೋದು
ಎಷ್ಟು ಸುಲಭ ಅನ್ನಿಸುತ್ತಿತ್ತು
ಅದರ ಕಷ್ಟ ಗೊತ್ತಾಗಿದ್ದು
ನೀ ಬಿಟ್ಟು ಹೋದ ಮೇಲೇನೇ !!
————————-
ಬಾಳಿನ ಪುಟದ ಸಾಲಿನಲಿ ನೀ
ಅಲ್ಪ ವಿರಾಮದಂತೆ ಬಂದೆ,
ಆಶ್ಚರ್ಯ ಚಿನ್ಹೆಯಂತೆ
ಎದ್ದು ಹೊರಟು ಹೋದೆ!
ಪೂರ್ಣ ವಿರಾಮ ಹೇಗೆ ಅನ್ನೋದಷ್ಟೇ
ಈಗ ಉಳಿದಿರುವ ಪ್ರಶ್ನೆ
ಮನಸಿನ ಮರ್ಮರ... 
ಮಾರ್ಮಿಕವಾದ ಸಾಲುಗಳು..
Super Sir …
ಎಲ್ಲ ಕವನಗಳು ತುಂಬಾ ಚೆನ್ನಾಗಿವೆ.
ಚೆನ್ನಾಗಿದೆ:)
ಕನ್ನಂತರೆ,
ಬೆಳಿಗ್ಗೇನೆ ಪಪೆರ್ನಲ್ಲಿ ನೋಡಿದೆ ನಿಮ್ಮ ಕವಿತೆಯನ್ನು…….ಚೆನ್ನಾಗಿದೆ……..ಕೊನೆಯ ಹನಿಯ ಬಗ್ಗೆ ಚೂರು ಸಂದೇಹ .ವನಿತೆಯರು ಕೂಡಿ ಕಳೆದರು ಅರ್ಥ ವಾಗದವರಾ!!!!!! ಹ್ಹಾ ಹ್ಹಾ