Archive for ಫೆಬ್ರವರಿ, 2011

ನನ್ನೆದೆಯ ಮಹಲಿನ ಮಜಲುಗಳ ತುಂಬೆಲ್ಲಾ
ನಿನ್ನ ನೆನಪುಗಳ ಕಾಲ್ಗೆಜ್ಜೆ ದನಿಯ ಗಝಲು

———————–
ಕನಸು ಸಾಯುವುದಿಲ್ಲ ಗೆಳತಿ…
ಕನವರಿಕೆಗಳಾಗಿ ಕಾಡುತಾವೆ
ನೆನಪುಗಳ ಗವಿಯೊಳಗೆ ಪಳೆಯುಳಿಕೆಯಂತುಳಿದು

ಭಾವ ಬಿಂದಿಗೆಯಲಿ ತುಂಬಿಟ್ಟ ನಿನ್ನ ನೆನಪುಗಳು

ಸೋರಿ ಹೋಗುತಿವೆ ಸದ್ದಿಲ್ಲದಂತೆ…

ಒಮ್ಮೆ ಕಣ್ಣ ಹನಿಗಳಾಗಿ…

ಒಮ್ಮೊಮ್ಮೆ ಹನಿ ಕವಿತೆಗಳಾಗಿ…

———————————————-

ಬರೆಯಕೂಡದು ಅಂದುಕೊಂಡರೂ

ಬರೆಸಿಕೊಳ್ಳುವ ಕವಿತೆಗಳೇ ಹೀಗೆ..

ಎಷ್ಟು ಮರೆಯಬೇಕೆಂದುಕೊಂಡರೂ

ಆವರಿಸಿಕೊಳ್ಳುವ ನಿನ್ನ ನೆನಪಿನ ಹಾಗೆ..!!

———————————————-

ನನ್ನೆದೆಯ ಕೊಳದೊಳಗೆ ಜಿನುಗೋ ನಿನ್ನ ನೆನಪುಗಳಿಂದ

ಹರಿಯುತಿಹುದು ಭಾವದೊಂದು ಬತ್ತದಾ ತೊರೆ…

ಒಮ್ಮೊಮ್ಮೆ ನೆನಪುಗಳ ಮಹಾಪೂರ ಬಂದಾಗ,

ಕಣ್ಣ ಕೊಳ ತುಂಬಿ ಅತ್ತಿದ್ದೂ ಖರೇ..!!

——————————————–

ಮನಸೆಂಬ ಗ್ರಂಥಿಗೆ ಅಂಗಡಿಯೊಳಗೆ

ನಿನ್ನ ನೆನಪುಗಳ ಸುವಾಸನೆ

ಕನಸೆಂಬ ಕನ್ನಡಿಯೊಳಗೆ

ನಿನ್ನ ಪ್ರತಿ-ಬಿಂಬದ ಆವಾಹನೆ

——————————-