Archive for the ‘kannada serials’ Category

ಒಂದು ಡಬ್ಬಾ ಹಾಡು…. ಎಲ್ಲಾ ಡಬ್ಬಾಗಳಿಗೆ ಅರ್ಪಣೆ ‘ದಂಡ-ಪಿಂಡಗಳು’ ಧಾರಾವಾಹಿಯ ಶೀರ್ಷಿಕೆ ಗೀತೆ ‘ದಂಡ ಪಿಂಡಗಳು…ಇವರು… ದಂಡ ಪಿಂಡಗಳು’ ಧಾಟಿಯಲ್ಲಿ

ಡಬ್ಬಾ ಯಾತಕ್ಕೇ… ಸೌಂಡು ಮಾಡುತ್ತೋ… ಯಾವಾಳಿಗ್ ಗೊತ್ತು 😉

_____________________________________________


ದಂಡ ಪಿಂಡ ಇವ್ಳು
ಖಂಡಿತಾ… ದಂಡ ಪಿಂಡ ಇವ್ಳು

ದಂಡ ಪಿಂಡ ಇವ್ಳು
ಖಂಡಿತಾ… ದಂಡ ಪಿಂಡ ಇವ್ಳು
ಸುಮ್ನೇ… ನ್ಯೂಸೆನ್ಸ್… ಹಂಗಾಮ ಮಾಡಿ
ಸುಮ್ನೇ… ನ್ಯೂಸೆನ್ಸ್… ಹಂಗಾಮ ಮಾಡಿ
ಗಾಸಿಪ್ಪನೇ ಮಾಡುವಾ… ಇವ್ಳು ಸುಪನಾತಿ
ಗಾಸಿಪ್ಪನೇ ಮಾಡುವಾ… ಇವ್ಳು ಮಿಟಕ್ಲಾಡಿ
ರಗಳೇ ಮಾಡಿ ಉಗಿಸಿಕೊಳ್ಳೋ… ನಾಸ್ಟೀ ಲೇಡಿ ಇವ್ಳು… ಥೋ… ಥೋ…

ದಂಡ ಪಿಂಡ ಇವ್ಳು
ಖಂಡಿತಾ… ದಂಡ ಪಿಂಡ ಇವ್ಳು

ಆಕ್ಟಿಂಗ್ ಮಾಡೋಕೆ… ಇವಳಿಗೆ ಬರಲ್ಲ
ಆಕ್ಟಿಂಗ್ ಮಾಡೋಕೆ… ಇವಳಿಗೆ ಬರಲ್ಲ
ಗಾಸಿಪ್ ಮಾಡದಿದ್ರೆ… ಉಂಡಿದ್ದೇ ಅರ್ಗೋಲ್ಲಾ
ಗಾಸಿಪ್ ಮಾಡದಿದ್ರೆ… ಉಂಡಿದ್ದೇ ಅರ್ಗೋಲ್ಲಾ
ಫುಲ್ಲು ಫುಲ್ಲು… ಗುಲ್ಲೇ ಗುಲ್ಲು
ಎಲ್ಲೂ ಸಲ್ಲದ ಒಂಥರಾ ಕೊರಾಜಿ-ಇವ್ಳು… ಥೋ…ಥೋ

ದಂಡ ಪಿಂಡ ಇವ್ಳು
ಖಂಡಿತಾ… ದಂಡ ಪಿಂಡ ಇವ್ಳು

ಕಲೆಯನು ಅರಿಯಲು… ಯೋಗ್ಯತೆ ಇಲ್ಲಾ
ಕಲೆಯನು ಅರಿಯಲು… ಯೋಗ್ಯತೆ ಇಲ್ಲಾ
ಕಡಿವಾಣವು…. ಇವ್ಳ ನಾಲ್ಗೆಗೇ ಇಲ್ಲಾ
ಕಡಿವಾಣವು… ಇವ್ಳ ನಾಲ್ಗೆಗೇ ಇಲ್ಲಾ
ಮಿಂಚಿ ತೋರಿಸೋದಕ್ಕೆ… ಟ್ಯಾಲೆಂ…ಟಿಲ್ಲಾ
ನಾನ್-ಸೆನ್ಸ್ ಮಾತಾಡ್ಲು… ಯಾವ ಹೊತ್ತೂ-ಗೊತ್ತೂ… ಇಲ್ಲಾಆಆ

ಈ ಪ್ರಕಾರವಾಗಿ… ಕಾರಣ ಇಲ್ಲದೆ… ಕಿರಿಕ್ ಮಾಡ್ತಾಳೆ
ಒಟ್ಟಲ್ಲಿ ಇವಳಿಗೆ ಯೋಗ್ಯತೆಯೇ ಇಲ್ಲಾ

ದಂಡ ಪಿಂಡ ಇವ್ಳು
ಖಂಡಿತಾ… ದಂಡ ಪಿಂಡ ಇವ್ಳು

ಹಾಂ…ದಂಡ ಪಿಂಡ ಇವ್ಳು
ಖಂಡಿತಾ… ದಂಡ ಪಿಂಡ ಇವ್ಳು

ಸುಮ್ನೇ… ನ್ಯೂಸೆನ್ಸ್… ಹಂಗಾಮ ಮಾಡಿ
ಸುಮ್ನೇ… ನ್ಯೂಸೆನ್ಸ್… ಹಂಗಾಮ ಮಾಡಿ
ಗಾಸಿಪ್ಪನೇ ಮಾಡುವಾ… ಇವ್ಳು ಸುಪನಾತಿ
ಗಾಸಿಪ್ಪನೇ ಮಾಡುವಾ… ಇವ್ಳು ಸುಪನಾತಿ
ರಗಳೇ ಮಾಡಿ ಉಗಿಸಿಕೊಳ್ಳೋ… ನಾಸ್ಟೀ ಲೇಡಿ ಇವ್ಳು… ಥೋ… ಥೋ…

ದಂಡ ಪಿಂಡ ಇವ್ಳು
ಖಂಡಿತಾ… ದಂಡ ಪಿಂಡ ಇವ್ಳು

_____________________________________________
ಮೂಲ ಹಾಡು ‘ದಂಡಪಿಂಡಗಳು’ ಧಾರಾವಾಹಿಯ ಶೀರ್ಷಿಕೆ ಗೀತೆ ‘ದಂಡ ಪಿಂಡಗಳು…ಇವರು… ದಂಡ ಪಿಂಡಗಳು’
ಕೃಪೆ: kannadalyrics.com

ದಂಡ ಪಿಂಡಗಳು
ಇವರು… ದಂಡ ಪಿಂಡಗಳು

ದಂಡ ಪಿಂಡಗಳು
ಇವರು… ದಂಡ ಪಿಂಡಗಳು

BA, BSc, BCom ಮಾಡಿ
BA, BSc, BCom ಮಾಡಿ
ಕೆಲಸವೇ ಸಿಗದೇ… ದಿನ ಅಲೆದಾಡಿ
ಕೆಲಸವೇ ಸಿಗದೇ… ದಿನ ಅಲೆದಾಡಿ
ಎಲ್ಲರ ಕೈಲೂ ಉಗಿಸಿಕೊಳ್ಳೊ… ವೇಸ್ಟು ಬಾಡಿಗಳು…. ಥೂ…ಥೂ…

ದಂಡ ಪಿಂಡಗಳು
ಇವರು… ದಂಡ ಪಿಂಡಗಳು

ದಿವಾನ್ ಚಾಕರಿ… ಇವರಿಗೆ ಸಿಗಲ್ಲ
ದಿವಾನ್ ಚಾಕರಿ… ಇವರಿಗೆ ಸಿಗಲ್ಲ
ಜವಾನ್ ಚಾಕರಿಗೆ… ಇವರೇ ಹೋಗಲ್ಲ
ಜವಾನ್ ಚಾಕರಿಗೆ… ಇವರೇ ಹೋಗಲ್ಲ
ಅಲ್ಲೂ ಇಲ್ಲ… ಇಲ್ಲೂ ಇಲ್ಲ
ಎಲ್ಲೂ ಇಲ್ಲದ ಅಂತರ ಪಿಶಾಚಿಗಳು…. ಥೂ…ಥೂ…

ದಂಡ ಪಿಂಡಗಳು
ಇವರು… ದಂಡ ಪಿಂಡಗಳು

ಪರ್ಸಂಟೇಜು ತೆಗೆಯಲು… ಯೋಗ್ಯತೆ ಇಲ್ಲಾ
ಪರ್ಸಂಟೇಜು ತೆಗೆಯಲು… ಯೋಗ್ಯತೆ ಇಲ್ಲಾ
ರಿಸರ್ವೇಷನ್ನು… ಇವರ ಜಾತಿಗೆ ಇಲ್ಲಾ
ರಿಸರ್ವೇಷನ್ನು… ಇವರ ಜಾತಿಗೆ ಇಲ್ಲಾ
ಲಂಚ ಕೊಡುವುದಕ್ಕೆ… ದುಡ್ಡೇ… ಇಲ್ಲಾ
ಇನ್-ಫ್ಲುಯೆನ್ಸು ಮಾಡಲು… ಯಾವ ಮಿನಿಸ್ಟ್ರೂ… ಗೊತ್ತಿಲ್ಲಾ..ಆಆ

ಈ ಪ್ರಕಾರವಾಗಿ… ಯಾವುದು ಇಲ್ಲದೆ… ಕೆಲಸ ಸಿಗಲ್ಲ
ಒಟ್ಟಲ್ಲಿ ಇವರಿಗೆ ಭವಿಷ್ಯವೇ ಇಲ್ಲಾ

ದಂಡ ಪಿಂಡಗಳು
ಇವರು… ದಂಡ ಪಿಂಡಗಳು

ಆ ದಂಡ ಪಿಂಡಗಳು
ಇವರು… ದಂಡ ಪಿಂಡಗಳು

BA, BSc, BCom ಮಾಡಿ
BA, BSc, BCom ಮಾಡಿ
ಕೆಲಸವೇ ಸಿಗದೇ… ದಿನ ಅಲೆದಾಡಿ
ಕೆಲಸವೇ ಸಿಗದೇ… ದಿನ ಅಲೆದಾಡಿ
ಎಲ್ಲರ ಕೈಲೂ ಉಗಿಸಿಕೊಳ್ಳೊ… ವೇಸ್ಟು ಬಾಡಿಗಳು…. ಥೂ…ಥೂ…

ದಂಡ ಪಿಂಡಗಳು
ಇವರು… ದಂಡ ಪಿಂಡಗಳು

ಹಳೇ ಧಾರಾವಾಹಿಗಳು… ಹೊಸ ನೆನಪುಗಳ ಧಾರೆ…
——————————————————-

ಈಗ ಮೆಗಾ ಧಾರಾವಾಹಿಗಳ ಕಾಲ… ಸೀ-ರಿಯಲ್ಲು, ‘saw’ ರಿಯಾಲಿಟಿ ಶೋಗಳ ಗರಗಸದ ಕುಯ್ತ ನೋಡಿ ಬೇಸತ್ತಿರುವಾಗ ಹಳೆಯ ಧಾರಾವಾಹಿಗಳ ನೆನಪು ಎಷ್ಟು ಮಧುರ ಅನ್ನಿಸಿಬಿಡುತ್ತೆ… ಆಷಾಡದ ಮಳೆಯಂತೆ ಎಂದೂ ಮುಗಿಯದೇನೋ ಅನ್ನಿಸುವ’ ಮೇಘ ಧಾರೆ’ಯ ‘ಮೆಗಾ ಧಾರಾ’ವಾಹಿಗಳ ನಡುವೆ ಅಂದಿನ ಧಾರಾವಾಹಿಗಳ ನೆನೆದರೆ ಮನಸಿನ ಮೂಲೆಯಲಿ ಹೇಳಲಾಗದ ಕಚಗುಳಿ…

ಈಗ ನಾನು ಧಾರವಾಹಿ ನೋಡೋಲ್ಲ… ನಾ ಆಸಕ್ತಿಯಿಂದ ನೋಡಿದ ಕೊನೆ ಧಾರಾವಾಹಿ ‘ಮಂಥನ’… 🙂

ಶ್ರೀನಿಧಿ ಅವರ ಬ್ಲಾಗ್ ಬರಹಕ್ಕೆ ಪ್ರತಿಕ್ರಿಯೆಯಾಗಿ ಬರೆದ ಈ ನೆನಪುಗಳ ಮಾತು…ಎಂದೂ ಮಗಿಯಬಾರದು ಎನಿಸುವ ಒಂದು ಧಾರಾವಾಹಿ…

ಬೆಂಗಳೂರು ದೂರದರ್ಶನದ ಕೆಲವು ಹಳೆಯ ಧಾರಾವಾಹಿಗಳು… ನನ್ನ ಅಚ್ಚುಮೆಚ್ಚಿನವು … ಬಹುತೇಕರ ಅಚ್ಚುಮೆಚ್ಚಿನದಾಗಿದ್ದವು ಅನ್ಸುತ್ತೆ…

ನಿಮ್ಮ ಫೇವರೆಟ್ ಇನ್ನೂ ಯಾವ್ದಾದ್ರೂ ಇದ್ರೆ ಈ ಪಟ್ಟಿಗೆ ಸೇರಿಸಿ…
ಬದುಕು ಜಟಕಾ ಬಂಡಿ …

ಬದುಕು ಜಟಕಾ ಬಂಡಿ ನಮ್ಮ ಬದುಕು ಜಟಕಾ ಬಂಡಿ…
ಇದೆ ನೆಲವು ನಮ್ಮ ಹಾಸಿಗೆಯಣ್ಣ ಆಸರೆ ನಮಗಣ್ಣ…
( ಭಾನುವಾರ ಬೆಳಗ್ಗೆ ಬರ್ತಾ ಇತ್ತು.. ಸಂಕೇತ್ ಕಾಶಿ, ನಾಗೇಂದ್ರ ಷಾ ಇವರನ್ನು ನಾನು ಮೊದಲು ನೋಡಿದ್ದು ಇದರಲ್ಲೇ ಅಂತ ನೆನಪು )

ಸಬೀನಾ
(ಭಾನುವಾರ ಬೆಳಿಗ್ಗೆ ಬರ್ತಾ ಇತ್ತು… ನಮಸ್ಕಾರ ನಮಸ್ಕಾರ ಹೋಗಿ ಬರುವೆನು… ಅಂತ ಧಾರಾವಾಹಿ ಮುಗಿಯುವಾಗ ಹಾಡು ಬರ್ತಾ ಇತ್ತು…ಸಬೀನಾ ಡಿಶ್ ವಾಶ್ ಪೌಡರ್ ಬರೋಕೂ ಮುಂಚೆ ಬರ್ತಿತ್ತು..:-))

ಅಂಕಲ್ ಇಲ್ಲಪ್ಪ

ಎಳೆಯರ ಗೆಲುವು
( ಎಳೆಯರ ಗೆಲುವು…ಓಹೋ ಎಳೆಯರ ಗೆಲುವು.. ಎಳೆಯರು ನಾವೆಲ್ಲಾ..ಗೆಳೆಯರು ನಾವೆಲ್ಲಾ…)

ಅಸಾಧ್ಯ ಅಳಿಯ ( ಅಸಾಧ್ಯ ಅಳಿಯ ಇವನು.. ಇವನೆಂತ ನಕ್ಷತ್ರಿಕನು…),

ಸರಿಗಮ ವಿಜಿ ರೇಖಾದಾಸ್ ಅಭಿನಯದ ‘ಎಲ್ಲರಂತಲ್ಲ ನನ್ನ ಗಂಡ ‘

ಸೀತಾಪತಿ ಸಿಟಿ ಲೈಫ್

ಎಡವಟ್ಟಣ್ಣಯ್ಯ…(ಏನೋ ಮಾಡಲು ಹೋಗಿ ಎಡವಟ್ಟಾಗಿ… ಕೊನೆಗೆ ಅದರಿಂದಲೇ ಒಳ್ಳೆಯದಾಗುವ ಕಥೆಗಳು)

ಡಿಸ್ಕೊರಾಗ… ಆದಿತಾಳ (ಮಹಾಲಕ್ಷ್ಮಿ..ಆಹಾ…ಅಂತ ಕಟ್ಟು ಕೊಂಕಿಸೋದು ನೆನ್ಪಿದ್ಯಾ?)

ಸ್ವರ ಸಂಪದ…(ಟೈಟಲ್ ಸಾಂಗ್ ಸೂಪರ್)

ಸ್ವಯಂವಧು

ರಾಗ ಲಹರಿ( ವಿಜಯ್ ಕಾಶಿ-ವಿನಯ ಪ್ರಸಾದ್ ಅಂತ ನೆನಪು) ಹೈಸ್ಕೂಲಲ್ಲಿ ಇದ್ದಾಗ ನನ್ ಫ್ರೆಂಡ್ ಮಂಜುನಾಥ ಮೂಡುಬಗೆ ಇದನ್ನ ಹಾಗಲಹುಳಿ… ಅಂತ ಕಿಚಾಯಿಸ್ತಿದ್ದ…

ಚಕ್ರ (ಮೋಡಕೆ ಮೋಡ.. ಬೆರೆತರೆ ನೋಡು… ತುಂತುರು ಹೂಹಾಡು…)

ಕ್ಷಮಯಾ ಧರಿತ್ರಿ (ಭೂಮಿ ನೀನು ಸಹನೆಯಲಿ… ಬೆಂಕಿ ನಿನ್ನ ಉಸಿರಿನಲಿ… ಯಾರಿಗೆ ಹೋಲಿಸಲೇ… ಕ್ಷಮಯಾ ಧರಿತ್ರಿ ಎನ್ನಲೇ )

ಚಿಗುರು…ಅಲ್ಲೊಂದು ಚಿಗುರು..ಇಲ್ಲೊಂದು ಚಿಗುರು…

ಇಂಚರ ( ಬಹುಶಃ ಸಂಜಯ್ ಮತ್ತು ರಾಜೇಶ್ ಮೊದಲು ಈ ಧಾರವಾಹಿನಲ್ಲೇ ಕಿರುತೆರೆಗೆ ಬಂದಿದ್ದು ಇರಬೇಕು.. ಶನಿವಾರ ಆರು ಮೂವತ್ತಕ್ಕೆ ಬರ್ತಾ ಇತ್ತು ಅಂತ ನೆನಪು… ಸಂಜಯ್ ಕೊಲೆಯಾಗುತ್ತೆ ಅಂತ ನೆನಪು…)

ಗುಡ್ಡದ ಭೂತ (ಡೆನ್ನಾನ…ಡೆನ್ನಾನ…ಡೆನ…ಡೆನ…ಡೆನ್ನಾನ…. ಗುಡ್ದಾದ ಭೂತ ಉಂಡುಗೇ…)

ಕ್ಯಾಪ್ಟನ್ ಬಲರಾಮ್ ( ನವೀನ್ ವಿಚಿತ್ರವಾಗಿ ಡ್ಯಾನ್ಸ್ ಮಾಡ್ತಾ ಇದ್ದ ಟೈಟಲ್ ಸಾಂಗ್…)

ಅಜಿತನ ಸಾಹಸಗಳು( ಷೆರ್ಲಾಕ್ ಹೋಮ್ಸ್ ಕತೆಗಳ ಕನ್ನಡ ಅವತರಣಿಕೆ… ರಾಜಾರಾಂ ಅಜಿತ್ ಪಾತ್ರ ನೆನಪಲ್ಲಿ ಚಿರಸ್ಥಾಯಿ)

ತಿರುಗು ಬಾಣ…(ನಾಗಾಭರಣ ಅಭಿನಯ ನಿರ್ದೇಶನದ..ಸೂಪರ್ ಕುತೂಹಲ ಕಥೆ…ಕೊಲೆಯೊಂದು ಮಾಡಿ ಮುಚ್ಚಿಹಾಕುವ ಕಥೆ… ಬಾನಿನ ಸೂರಿನ ಕೆಳಗೆ… ಭೂಮಿಯ ಆಸರೆ ಒಳಗೆ… ಮನುಕುಲ ಮಮತೆಯ ಮರೆತಾಗ… ತಿರುಗುಬಾಣ …ತಿರುಗುಬಾಣ (ಸಾಹಿತ್ಯ ತಪ್ಪಿದೆಯೇನೋ ಗೊತ್ತಿಲ್ಲ)

ಆಫೀಸಾಯಣ….

ನಂಬರ್ ೬೭-ಹ್ಯಾರಿಸ್ ರಸ್ತೆ ( ಇದಂತೂ ಸಕ್ಕತ್ ಸಸ್ಪೆನ್ಸ್ ಆಗಿತ್ತು…)

ಕ್ರೇಜಿ ಕರ್ನಲ್ (ರಮೇಶ್ ಭಟ್ರ.. ಹೆಹೆ ಹಹಾ… ನೆನ್ಪಿದ್ಯಾ)

ಬಾಳು ಬೆಳಗಿತು- (ಜಗದಾ ನೋಟ ಸಹಿಸಿ… ಒಲವ ಹಣತೆ ಉರಿಸಿ, ಬಾಳು ಬೆಳಗಿತು… ನುಡಿ ಬಾಣವೆಲ್ಲ ಸಹಿಸಿ… ಮನವೀಗ ಬೆಂದಿತು.. ಕರ್ಪೂರದಂತೆ ಉರಿದ ಬದುಕೇ ಧನ್ಯವೂ…)

ವಿಜೇತಾ (ಅನುರಾಗ ರಾಗ..ಸ್ವರವಾಗಿ ಹಾಡಿ ವಿರಹ…ವಿಜೇ…ತಾ…ಅಂತೇನೋ ಶೀರ್ಷಿಕೆ ಗೀತೆ ಇತ್ತು)

ಸಾಧನೆ( ಮಂಜು ಹೆಗಡೆ… v4 ad ಏಜೆನ್ಸಿ… ಸುರೇಶ್ ನಿರ್ದೇಶನದ ಸೂಪರ್ ಧಾರಾವಾಹಿ) ಕಾಲ ಮುಂದೆ ನಾವು ಹಿಂದೆ ಜೂಟಾಟ ಜೂಟಾಟ… ಹುಟ್ಟು ಸಾವು ಎರಡರ ಮಧ್ಯೆ…. ಬಾಳೆಂಬ ಪರದಾಟ …

ಮಾಯಾಮೃಗ….. ಇದರ ಬಗ್ಗೆ ಹೇಳಲೇ ಬೇಕಾಗಿಲ್ಲ… ಆಲ್ವಾ? ಕನ್ನಡ ಕಿರುತೆರೆಯ ನಂಬರ್ 1 ಧಾರವಾಹಿ…

ಅರ್ಧ ಸತ್ಯ

ಚಂದ್ರ ಬಿಂಬ

ಡಿಡಿ ನ್ಯಾಷನಲ್ ನಲ್ಲಿ ಬರ್ತಾ ಇದ್ದ ಮುಂಗೇರಿಲಾಲ್ ಕೆ ಹಸೀನ್ ಸಪ್ನೆ…, ಹೋನಿ ಅನಹೊನಿ, ಅಲಿಫ್ ಲೈಲಾ, ತೆನಾಲಿ ರಾಮ, ಮಾಲ್ಗುಡಿ ಡೇಸ್, ಚಂದ್ರಕಾಂತ, ಉಡಾನ್, ಕೊನೆಗೆ ಶಕ್ತಿಮಾನ್…. 🙂
ಜಾನೆ ಕಹಾಂ ಗಯೇ ಓ ದಿನ್… 🙂 😦

ಈ ಬರಹ ಬರೆಯಲು ಪ್ರೇರಣೆ ಕೊಟ್ಟಿದ್ದು ಶ್ರೀನಿಧಿ ಡಿ.ಎಸ್ ಬ್ಲಾಗಿನ ಬರಹ

http://shree-lazyguy.blogspot.in/2008/11/blog-post_18.html