Archive for the ‘Sachin Tendulkar’ Category

ಸಚಿನ್ ತೆಂಡುಲ್ಕರ್….

sachin

ಈ ಹೆಸ್ರು ಕೇಳಿದ್ದೆ ಸಾಕು ಆಗುವ ರೋಮಾಂಚನಕ್ಕೆ ಬದಲಿ ಏನಿದೆ ಹೇಳಿ ನೋಡೋಣ

ಕ್ರಿಕೆಟ್ ಬರೀ ಒಂದು ಆಟ…. ಹನ್ನೊಂದು ಜನ ಮೂರ್ಖರು ಆಡುವ..ಹನ್ನೊಂದು ಸಾವಿರ ಮೂರ್ಖರು

ನೋಡುವ ಆಟ ಅಂತ ಅದ್ಯಾರೋ ಮಹಾನುಭಾವ ಹೇಳಿದ್ದ ಅಂತೆ. ಆದ್ರೆ ನನ್ ಬದುಕಲ್ಲಿ ಈ ಮೂರ್ಖರ ಆಟ

ಕೊಟ್ಟ ಖುಷಿ…. ಯಾವ ಮೂರ್ಖರೂ ಬೆಲೆ ಕಟ್ಟಲಾಗದ್ದು…

ನಾನು ಕ್ರಿಕೇಟ್ ನೋಡಿದ್ದು ನಂಗೆ ಜ್ಞಾಪಕ ಇರೋ ಮಟ್ಟಿಗೆ 1988 ಇರ್ಬೇಕು.. ಯಾಕಂದ್ರೆ ಆ ಮ್ಯಾಚು ನಂಗೆ

ನೆನ್ಪು ಸರಿಯಾಗಿ ಇರ್ದಿದ್ರೂ… ಅರ್ಶದ್ ಅಯೂಬ್ ಐದು ವಿಕೇಟ್ ಕಿತ್ತಿದ್ದ ಮ್ಯಾಚು ನೋಡಿದ್ದ ನೆನ್ಪು…

ಬಹುಶಃ ಅದು ನಾ ನೋಡಿದ ಮೊದಲ ಒಂಡೇ ಮ್ಯಾಚ್ ಇರ್ಬೇಕು… ಆಮೇಲೆ ನೋಡಿದ ಮ್ಯಾಚಿಗೆ ಲೆಕ್ಕ

ಇಟ್ಟವರ್ಯಾರು? ಅದ್ರಲ್ಲೂ ಯಾರು ಏನೇ ಹೇಳಿದ್ರೂ ನನ್ನ ಪಾಲಿಗೆ ದೇವರಂತೆ ಈ ಇಪ್ಪತ್ತೆರ್ಡು ವರ್ಷ ಪ್ರತೀ

ಬಾರಿಯೂ ಇನ್ನಿಲ್ಲದ ನಿರೀಕ್ಷೆಯಿಂದ ನೋಡಿದ ಸಚಿನ್ ತೆಂಡುಲ್ಕರ್ ಆಟಕ್ಕೆ ಒಂದು ಅಕ್ಷರ ನಮನ

ಹೇಳದಿದ್ರೆ…ಇಷ್ಟೇಲ್ಲಾ ಕೊಟ್ಟ ಖುಷಿ ಸುಳ್ಳೇ ಆಗೋಲ್ಲವಾ? ನಂಗೆ ಅವನ ಮೊದಲ ಪಾಕಿಸ್ತಾನ ಸರಣಿ

ನೋಡಿದ್ದು ಅಷ್ಟು ನೆನ್ಪಿಲ್ಲಾ. ಆದ್ರೆ ಅದರ ನಂತರದ ಪ್ರತಿ ಸರಣಿಯಲ್ಲೂ ಸಚಿನ್ ಸಚಿನ್ ಸಚಿನ್… ಅವ್ನು ಔಟ್

ಆದ ಅಂದ್ರೆ ಮ್ಯಾಚು ನೋಡೋದೆ ಬಿಟ್ಟು ಎದ್ದು ಹೋದ ಘಳಿಗೆಗಳೆಷ್ಟು? ಇವತ್ತಿಗೂ ಕಲ್ಕತ್ತಾದ ಹೀರೋ ಕಪ್

ಸೆಮಿಫೈನಲಿನಲ್ಲಿ ಸಚಿನ್ ಎಸೆದ ಕೊನೆಯ ಮಾಂತ್ರಿಕ ಓವರಿನ ನೆನಪು ಎಷ್ಟು ಜನರಿಗಿದೆಯೋ ಗೊತ್ತಿಲ್ಲ.

ಮೆಕ್ಮಿಲನ್ ಅಂತ ದೈತ್ಯ ದಾಂಡಿಗನನ್ನೆ ಕಟ್ಟಿ ಹಾಕಿ ಭಾರತಕ್ಕೆ ವಿಜಯಲಕ್ಷ್ಮಿ ಒಲಿಯುವಂತೆ ಮಾಡಿದ

ತೆಂಡುಲ್ಕರನ ಫೋಟೋ ಉದಯವಾಣಿಯಲ್ಲಿ ಬಂದಿದ್ದು ಇವತ್ತಿಗೂ ನೆನಪಿದೆ.

ಅಷ್ಟು ಚಿಕ್ಕ ವಯಸ್ಸಲ್ಲೇ ಅಷ್ಟೆಲ್ಲಾ ಹೆಸರು ಮಾಡಿದ್ರೂ ಸಚಿನ್ ತೆಂಡುಲ್ಕರನಂತ ದೈತ್ಯ ಪ್ರತಿಭೆಗೆ ಒಂದು

ಏಕದಿನ ಸೆಂಚುರಿ ಹೊಡೆಯೋಕೆ ಬರೋಬ್ಬರಿ ಐದು ವರ್ಷ ಯಾಕೆ ಹಿಡೀತು ಅಂತ ಇವತ್ತಿಗೂ ಎಣಿಸಿಕೊಂಡ್ರೆ

ಆಶ್ಚರ್ಯ ಆಗುತ್ತೆ. ಅವನ ಮೊದಲ ಏಕದಿನ ಸೆಂಚುರಿ ಬಂದಿದ್ದು 1994ರಲ್ಲಿ. ಆ ಮ್ಯಾಚು ಪೂರ್ತಿ

ನಿಂತುಕೊಂಡೇ ನೋಡಿದ್ದು ಇವತ್ತಿಗೂ ನೆನ್ಪಿದೆ. ಅದನ್ನ ನೋಡಿದ್ದು ಮಣಿಪಾಲದ ಕೆ.ಎಂ.ಸಿ.ಯಲ್ಲಿ.ಆವಾಗ ನಂಗೆ

ಹುಶಾರಿಲ್ಲದೇ ಮಣಿಪಾಲ ಆಸ್ಪತ್ರೆಯಲ್ಲಿದ್ದೆ. ಅವತ್ತು ನೋಡಿದ ಸೆಂಚುರಿಯ ಖುಷಿ…ಈಗ ಈಗ ಎಣಿಸಿಕೊಂಡರೂ

ಖುಷಿ ಆಗುತ್ತೆ… ಓ ಸಚಿನ್ ಯಾಕಪ್ಪಾ ಮರಾಯ ಇಷ್ತ್ ಖುಷಿ ಕೊಡ್ತೆ???

1994, 27 ಮಾರ್ಚ್…ಯಾವತ್ತಾರು ಆ ದಿನ ನೆನ್ಪ್ ಬಿಡ್ತನಾ… ನಮ್ಮ ಇಂಡಿಯನ್ ಟೈಮಿಂಗ್ಸಗೆ ಬೆಳಿಗ್ಗೆ ನಾಕ್

ಗಂಟೆಗೆ ಮ್ಯಾಚ್ ಶುರು ಆತ್ತ್ ಅಂತ, ಫ್ರೆಂಡ್ ಮನೆಗೆ ಹೋಯಿ ರಾತ್ರಿಯೇ ಮನ್ಕಂಡಿದ್ದೆ… ಬೆಳಿಗ್ಗೆ ಎದ್ದ್ ಮ್ಯಾಚ್

ನೋಡ್ಬೇಕು ಅಂತ. ಅಂತೆಯೇ ಎದ್ದು ಮ್ಯಾಚೂ ನೋಡಿದೆ… ಬರಿ ನೂರಾ ನಲವತ್ತೆರ್ಡು ರನ್ನಿಗೆ ಗಂಟು ಮೂಟೆ

ಕಟ್ಟಿತ್ತು ನ್ಯೂಜೀಲ್ಯಾಂಡ್. ಹಿಂದಿನ ಮ್ಯಾಚು ಸೋತಿದ್ದಕ್ಕೆ ಅಜರುದ್ದಿನ್ ನಾವು ಇಲ್ಲಿ ಪಿಕ್ನಿಕ್ಕಿಗೆ ಬಂದಿಲ್ಲ ಅಂತ

ಸ್ಟೇಟ್ಮೆಂಟ್ ಕೊಟ್ಟಿದ್ದ… ಆ ಸಿಟ್ಟೀಗೋ ಎಂಬಂತೆ ಕುತ್ತಿಗೆ ನೋವಿಂದ ಬಳಲುತ್ತಿದ್ದ ಸಿದ್ಧು ಬದಲಿಗೆ

ಆರಂಭಕಾರನಾಗಿ ಬಂದು ರುದ್ರ ತಾಂಡವವಾಡಿದ ಸಚಿನ್ ಆವತ್ತು 49 ಬಾಲಿನಲ್ಲಿ 82 ರನ್ ಚಚ್ಚಿ ಬಿಸಾಡಿದ್ದು

ಮರೆಯಬೇಕೆಂದರೂ ಮರೆಯಲಾಗೊಲ್ಲಾ… ಆಮೇಲೆ ಸಚಿನ್ ಎಷ್ಟೇ ಭಯಂಕರ ಆಟ ಆಡಿರಲಿ… ಏಕದಿನ

ದ್ವಿಶತಕ ಬಾರಿಸಿದ್ದೇ ಇರಲಿ… ಆವತ್ತಿನ ಸಚಿನ್…ದಿ ಬೆಸ್ಟ್… ಸಚಿನ್ ಕೊಟ್ಟ ಖುಷಿಯ ಪರಮಾವಧಿ 1998.

ಆದ್ರೆ ದುರದೃಷ್ಟವಶಾತ್ ಅದನ್ನು ಲೈವ್ ನೋಡೋ ಸೌಭಾಗ್ಯ ನಂಗಿರಲಿಲ್ಲ..ಕ್ರೆಗ್ ಮೆಕ್-ಡರ್ಮಾಟ್ ಆವತ್ತು

ಅಷ್ಟು ಹತಾಶನಾಗಿದ್ದು ನೋಡೋ ಅದೃಷ್ಟ ನಂಗಿರಲಿಲ್ಲ.. ಮಾರನೆ ದಿನ ದ್ವಿತೀಯ ಪಿಯೂಸಿ ಗಣಿತ ಪರೀಕ್ಷೆ…

ಸಾರಿ ಸಚಿನ್ ಕ್ಷಮಿಸು….

ಪಾಕಿಸ್ತಾನದ ಮೇಲೆ ಹೊಡೆದ 98 ರನ್ನಿನ ಆ ಇನ್ನಿಂಗ್ಸನ್ನು ಹ್ಯಾಗೆ ವಿವರಿಸಿ ಹೇಳೋದು….

ಯಾರು ಎಷ್ಟೇ ಹೇಳಲಿ… ಏನೇ ಅನ್ನಲಿ…. ಅವ್ರು ಇವ್ರಿಗಿಂತ ಮೇಲೆ..ಇವ್ರು ಅವ್ರಿಗಿಂತ ಮೇಲೆ ಅನ್ನೋದನ್ನು

ಅಂಕಿ ಅಂಶ ಲೆಕ್ಕ ಹಾಕಿ ತೋರಿಸಲಿ…. ಲೀಸ್ಟ್ ಬಾದರಡ್… ಯಾಕಂದ್ರೆ ಸಚಿನ್ ಇಸ್ ಸಚಿನ್….!!

ಆವತ್ತಿಗೂ ಇವತ್ತಿಗೂ ಅವ್ನು ಏಕಾಂಗಿಯಾಗಿ ಹೋರಾಡಿದ ಮ್ಯಾಚು ಎಷ್ಟು…..

ಎಲ್ಲಾ ಕೈಕೊಟ್ಟಾಗ ಒಬ್ನೇ ಏಕಾಂಗಿ ವೀರನಂತೆ ಸೋತರೂ ಆ ಸೋಲಿಗೂ ಘನತೆ ತಂದು ಕೊಟ್ಟ ಎಷ್ಟು

ನಿದರ್ಶನ ಇಲ್ಲ? ಸಾವ್ರ ಜನ ಸಾವ್ರ ಹೇಳಬಹುದು… ಸಚಿನ್ನೇ ವೈಫಲ್ಯದ ಸುಳಿಗೆ ಸಿಕ್ಕ ಎರ್ಡು ವರ್ಷದ

ಉದಾಹರಣೆನ ಎತ್ತಿ ತೋರ್ಸಿ ಅವ್ನು ಸೆಲ್ಫಿಷ್ಹು ಮಣ್ಣು ಮಸಿ ಅಂತ ಹೇಳಬಹುದು…

ಸಚಿನ್ ಲೈಫ್ ಟೈಮಿಗೆ ಒಬ್ನೆ….!!

ಯಾಕಂದ್ರೆ ದೇವನೊಬ್ಬ ನಾಮ ಹಲವು ಅನ್ನೋ ಹಾಗೆ ಕ್ರಿಕೇಟ್ ಅನ್ನೋ ರಿಲಿಜನ್ನಿಗೆ ಒಬ್ನೇ ದೇವ್ರು ಸಚಿನ್

ರಮೇಶ್ ತೆಂಡುಲ್ಕರ್… ನೀ ಕೊಟ್ಟ ಅಪರಿಮಿತ ಕುಷಿಗೆ ನಂದೊಂದು ಅಕ್ಷರ ನಮನ… ಇದು ಬರಿ ಮುನ್ನುಡಿ

ಮಾತ್ರ… ಬರೆಯೋಕೆ ತುಂಬಾ ಇದೆ…!!

Advertisements

ಶೋಯೇಬ್ ಅಕ್ತರ್ ಗೆ ಹುಚ್ ನಾಯಿ ಕಚ್ಚಿ….ಸಚಿನ್ ಮೇಲೆ ಬಾಯಿಗೆ ಬಂದದ್ದೆಲ್ಲಾ ಬೊಗಳಿ ಆದ ಮೇಲೆ ಈಗ ಪರಮಾತ್ಮ ಚಿತ್ರದ ಯಾವನಿಗ್ಗೊತ್ತು ಹಾಡನ್ನು ಬದಲಾಯಿಸಿ ಹೀಂಗೆ ಹಲುಬುತ್ತಿದ್ದಾನೆ ನೋಡಿ… 🙂

ನೀನೆ ಜೀನಿಯಸ್ಸು… ಬಾಯಿತಪ್ಪಿಎಡವಟ್ಟಾಯ್ತೋ…
ಅದು ದ್ವೇಷಾನಾ… ನನ್ನ ಬುರ್ಡೇನಾ
ಮಂಡೆ ಕೆಟ್ಟಿತ್ತಾ…. ಯಾವಾನಿಗ್ ಗೊತ್ತು

ಏನು ಮಾಡೊದು… ಮೆಂಟ್ಲು ನಾಯೊಂದು
ರೋಡಲ್ಲಿ ಕಚ್ತು… ರೋಡಲ್ಲಿ ಕಚ್ತು
ಏನು ಹೇಳಿದ್ನೋ… ಇಂತ ಟೈಮಲ್ಲಿ
ಯಾವನಿಗ್ ಗೊತ್ತು… ಯಾವನಿಗ್ ಗೊತ್ತು

ಸಣ್ಣದೊಂದು ನಾಯಿ… ನನ್ನತ್ರ ಬಂದು
ತನ್ನ ಹಲ್ಲು… ನೆಟ್ಟಂಗಾಯ್ತು

ನಾಯಿ ಯಾತಕ್ಕೆ.. ನಂಗೆ ಕಚ್ಚಿತ್ತೋ
ಯಾವನಿಗ್ ಗೊತ್ತು… ಯಾವನಿಗ್ ಗೊತ್ತು
ಮರ್ಲು ಬಿಡ್ತದಾ… ಹಿಂಗೆ ಇರ್ತದಾ
ಯಾವನಿಗ್ ಗೊತ್ತು… ಯಾವನಿಗ್ ಗೊತ್ತು

ಅದು ಯಾವ್ದೊ ವರ್ಡು ಕಪ್ಪು… ಮ್ಯಾಚಲ್ಲಿ
ಬೌಲಿಂಗು ಮಾಡುತ್ತಿದ್ದೆ… ಸ್ಪೀಡಲ್ಲಿ
ನೀ ಬ್ಯಾಟಿಂಗ್ ಮಾಡ್ತಿದ್ದೆ… ಎದುರಲ್ಲಿ
ಅವಲಕ್ಕಿ ಕುಟ್ದದಂಗಾಯ್ತು… ಎದೆಯಲ್ಲಿ

ಆಮೇಲೇನು ಆಯ್ತು… ನಮ್ಮಪ್ಪನ್ನ ಕೇಳ್ರಿ
ಡಾಟು ಬಾಲಿಗಿಂತ… ಬೌಂಡ್ರಿ ಸಿಕ್ಸೇ ಹೆಚ್ಚ್ರಿ
ಮ್ಯಾಚ್ ಆದಮೇಲೆ… ಬೆಡ್ ಶೀಟು ಹಾಸಿ
ಮುಚ್ಚಾಕಿಕೊಂಡು… ಮಲ್ಕಂಬಿಟ್ಟೇ

ಇಂತ ಟೈಮಲ್ಲಿ… ಕನಸು ಬಿದ್ದಿತ್ತಾ
ಯಾವನಿಗ್ ಗೊತ್ತು… ಯಾವನಿಗ್ ಗೊತ್ತು
ಕನಸಿನಲ್ಲೂನೂ… ಬೆಚ್ಚಿ ಬಿದ್ದಿದ್ನಾ
ಯಾವನಿಗ್ ಗೊತ್ತು… ಯಾವನಿಗ್ ಗೊತ್ತು

ಬಾಲಲ್ಲಿ ಔಟು ಮಾಡೋಕ್… ಆಗ್ಲಿಲ್ಲ
ಯಾರ್ಕರು ಹಾಕಿದ್ರೂ ಔಟು… ಆಗ್ಲಿಲ್ಲ
ಬೌನ್ಸರು ಹಾಕಿದ್ರು ಸಿಕ್ಸು… ಹೊಡದ್ನಲ್ಲ
ನಿಮ್ಗೆ ಗೊತ್ತಲ್ವಾ… ನಾನು ಮುಟ್ಟಾಳ

ಮತ್ತೆ ಮತ್ತೆ ಬಂತು… ಬಾಲಿಗೊಂದು ಬೌಂಡರಿ
ತುಂಬಾ ಒಳ್ಳೇ ಆಡಿದ… ಬೌಲಿಂಗ್ ಮಾಡೋದ್ ಹೆಂಗ್ರಿ
ಮಂಡೆ ಪೆಟ್ಟಾಗಿ… ಮಾತಾಡ್ದೆ ನಾನು
ಸುಮ್ಮನೆ ಮನೇಲಿ… ಇರಾಬೌದಿತ್ತು

ನನ್ನ ಕಚ್ಚಿದ… ನಾಯಿ ಇರಬೌದಾ
ಯಾವನಿಗ್ ಗೊತ್ತು… ಯಾವನಿಗ್ ಗೊತ್ತು
ಮುಂದೆ ಎಲ್ಲಾದ್ರು… ಸತ್ತು ಬಿದ್ದಿತ್ತಾ
ಯಾವನಿಗ್ ಗೊತ್ತು… ಯಾವನಿಗ್ ಗೊತ್ತು

ಮೂಲ ಸಾಹಿತ್ಯ : ಪರಮಾತ್ಮ ಚಿತ್ರದ ‘ಯಾವನಿಗ್ ಗೊತ್ತು… ಯಾವನಿಗ್ ಗೊತ್ತು’
ಕೃಪೆ: kannadalyrics.com

ನಾನೇ ಜೀನಿಯಸ್ಸಾ… ಹ್ರುದೆಸೀರಿಸೇಲಾತಿ… ಲಬಬಾವೂ
ಎಬಿಸೀಡಿನಾ… ಆಲೂಗಡ್ದೆನಾ
ಗೋಡೆ ಹಲ್ಲೀನಾ… ಯಾವಾನಿಗ್ ಗೊತ್ತು

ಏನು ಮಾಡೋದು… ಒಂಟಿ ಹೂವೊಂದು
ರೋಡಲ್ಲಿ ಸಿಕ್ತು… ರೋಡಲ್ಲಿ ಸಿಕ್ತು
ಏನು ಹೇಳೋದು… ಇಂಥಾ ಟೈಮಲ್ಲಿ
ಯಾವನಿಗ್ ಗೊತ್ತು… ಯಾವನಿಗ್ ಗೊತ್ತು

ಎದೆಯಂಬ ಖಾಲಿ… ಡಬಕ್ಕೆ ಒಂದು
ಸಣ್ಣ ಕಲ್ಲು… ಬಿದ್ದಂಗಾಯ್ತು

ಡಬ್ಬ ಯಾತಕ್ಕೆ… ಸೌಂಡು ಮಾಡುತ್ತೊ
ಯಾವನಿಗ್ ಗೊತ್ತು… ಯಾವನಿಗ್ ಗೊತ್ತು
ಇವ್ಳು ಸಿಕ್ತಾಳ… ಕೈ ಕೊಡ್ತಾಳ
ಯಾವನಿಗ್ ಗೊತ್ತು… ಯಾವನಿಗ್ ಗೊತ್ತು

ಅದು ಯಾವ್ದೋ ಒಂಟಿ ಹಕ್ಕಿ… ಸದ್ದನ್ನಾ
ಕೇಳುತ್ತಾ ಮಲ್ಕೊಂಡಿದ್ದೆ… ಮಧ್ಯಾಹ್ನ
ಕಾಲ್ ಕೇಜಿ ಪ್ರೀತಿಗೊಂದು… ಪದ್ಯಾನಾ
ಬರೆದಿಟ್ಟು ಕೆರೆದುಕೊಂಡೆ… ಗಡ್ಡಾನಾ

ಕಾಳಿದಾಸ ಕಾವ್ಯ… ನಮಪ್ಪನ್ನ ಕೇಳ್ರಿ
ಕಾಲಿ ಹಾಳೆಗಿಂತ… ಒಳ್ಳೆ ಕಾವ್ಯ ಇಲ್ರಿ
ಹೃದಯದ ಮೇಲೆ… ಹೈ-ಹೀಲ್ಡು ಹಾಕಿ
ರಾಜಕುಮಾರಿ… ನಿಂತಂಗಾಯ್ತು

ಇಂಥಾ ಟೈಮಲ್ಲಿ… ಹಾಡು ಬೇಕಿತ್ತಾ
ಯಾವನಿಗ್ ಗೊತ್ತು… ಯಾವನಿಗ್ ಗೊತ್ತು
ದೇವ ದಾಸಾನೂ… ಎಣ್ಣೆ ಬಿಟ್ಟಿದ್ನಾ
ಯಾವನಿಗ್ ಗೊತ್ತು… ಯಾವನಿಗ್ ಗೊತ್ತು

ಕನಸಲ್ಲಿ ಯಾಕೊ ಯಾವ್ದೂ… ಸಾಲಲ್ಲ
ಮೋಡಾನ ಮುದ್ದು ಮಾಡೋ… ಕಾಗಲ್ಲಾ
ಚಿಟ್ಟೆಗೆ ಚಡ್ಡಿ ಹಾಕೋ… ಕಾಗ್ಲಿಲ್ಲ
ನಿಮ್ಗೆ ಗೊತ್ತಲ್ವಾ ನಾನು… ಮುಟ್ಟಾಳ

ಮತ್ತೆ ಮತ್ತೆ ಬಂತು… ಎದೆಯಲ್ಲೊಂದು ಲಹರಿ
ತುಂಬಾ ಒಳ್ಳೆ ಕನ್ನಡ… ಮಾತಾಡ್ಬಿಟ್ಟೆ ಕಣ್ರಿ
ಮೂಗು ಬೊಟ್ಟಾಗಿ… ಹುಟ್ಟಿದ್ರೆ ನಾನು
ಇವಳ ಮೂತೀಲೆ… ಇರಬೌದಿತ್ತು

ನನ್ನ ಆಸೆಗೂ… ಮೀನಿಂಗ್ ಇರಬೌದಾ
ಯಾವನಿಗ್ ಗೊತ್ತು… ಯಾವನಿಗ್ ಗೊತ್ತು
ಮುಂದೆ ಎಲ್ಲಾದ್ರು… ತಿಂಡಿ ಸಿಗಬೌದಾ
ಯಾವನಿಗ್ ಗೊತ್ತು… ಯಾವನಿಗ್ ಗೊತ್ತು