Posts Tagged ‘ಹನಿ ಹನಿ’

ಅಂತರಂಗದ ಆಪ್ತಸ್ವರ ಮನಸಿನಲಿ ಮರ್ಮರಿಸಿದಾಗ

ನನ್ನ ಬ್ಲಾಗ್ ಮತ್ತು ಕವನ ಸಂಕಲನದ ನನ್ನಿಷ್ಟದ ಹನಿಗಳನ್ನು ಆರಿಸಿ ಈ ಕೆಳಗಿನ PDFನಲ್ಲಿ ಪೋಣಿಸಿದ್ದೇನೆ

ಕವನ ಸಂಕಲನ-‘ಅಂತರಂಗದ ಆಪ್ತಸ್ವರ’
ಬ್ಲಾಗ್ ‘ಮನಸಿನ ಮರ್ಮರ’ದ some-ಕವನಗಳು… ಸಂಚಲನಗಳು 😛

ಬೇಕೆನಿಸಿದಾಗ ಓದಲು PDF ಡೌನ್ಲೋಡ್ ಮಾಡಲು ಕೆಳಗಿನ ಕೊಂಡಿ ಕ್ಲಿಕ್ಕಿಸಿ 🙂

ಕವಿತೆ ಎಂದು ಹೆಸರಿಟ್ಟೆ… ನಿಟ್ಟುಸಿರಿಟ್ಟೆ 

ಮನಸಿನ_ಮರ್ಮರ

aboutworkingmemory

 

 

 

 

 

 

 

 

 

 

 

ಕವಿತೆ ಕುಡಿಯೊಡಯಬೇಕು
ಕಾನನದಿ ಕವಿದ ಕತ್ತಲೆಯೊಳಗೆ
ಕಣ್ದೆರೆದು

ರಾತ್ರಿ ಮೊಗ್ಗಾಗಿದ್ದ ಮಲ್ಲಿಗೆ
ಮುಂಜಾವದ ಮಂಜಲಿ
ಮೆಲ್ಲನೆ ಮುಗುಳ್ನಕ್ಕಂತೆ…

ನಟ್ಟಿರುಳ ನಿದ್ದೆಯಲ್ಲಿಯೂ
ನೆಪವಿಲ್ಲದೆ ನಿನ್ನ
ನಗೆಯ ನೆನಪಾದಂತೆ…

ಬಲವಂತಕೆ ಬಸಿರ ಬಗೆದರೆ
ಬಿಡುಗಡೆಯಲ್ಲವದು…
ಭ್ರೂಣ ಹತ್ಯೆ

ವ್ಯತ್ಯಾಸ ಇಷ್ಟೇ…
ಒಲುಮೆಯ ತುದಿಬೆರಳ
ಸ್ಪರ್ಶದ ನವಿರು ಪುಳಕ
ತೆವಲು-ತೀಟೆಗೆ ತಡಕಾಡುವ
ಕರಗಳ ಚಳಕ

‘ನ’ ಮತ್ತು ‘ದ’ ಅಕ್ಷರಗಳ ಕಾಗುಣಿತ …. ಹೀಗೊಂದು ಕವನವಲ್ಲದ ಕವಿತಾ…

ನಾ ನಿನ್ನೆ… ನಿನ್ನ ನೆನೆದೆ….
ನೀನಾದೆ ನನ್ನೆದೆ ದನಿ…..
ನನ್ನ ನಾದ….
ದಿನಾ ನಿನ್ನದೇ ನಿನಾದ…

ನೀನೇನಾದೆ…ನನ್ನ ನೆನೆ-ನೆನೆದು…..?
ನಿನ್ನದೂ ನಂದೇ ನಾದ?

ನನ್ನೆದೆ ನಂದನದಿ
ನೀನೊಂದು ನದಿ….
ನದಿ ನೀನಾದೆ….
ನಾನೇನಾದೇ….

ನದಿ ದನಿ…ನಾನಾದೆ…
ನಾನೇ ನಾನಾದೆ…. 🙂

ನಿನ್ನೆಯ ನವಿರು ನೆನವಿರಿಕೆ
ಕಾಣದ ಕನಸಿನ ಕನವರಿಕೆ
ಬತ್ತದ ಭಾವಗಳ ಬಾಯಾರಿಕೆ
ಮನಸಿನ ಮರದೆಲೆಗಳ ಮರ್ಮರಕೆ

ಕಂಗಳ ಕೊಳದೊಳಗೆ…
ಹನಿಗಳ ಹಳಹಳಿಕೆ…
ಪದಗಳಾಗಿವೆ …ಪಾಪ ಪಳೆಯುಳಿಕೆ… !!

————————————

ನೀ ಬರದೆ ಹೋದ ಹಾದಿಯಲಿ
ನಿನ್ನ ಹೆಜ್ಜೆ ಗುರುತು ಅರಸುತ್ತಾ
ಗೆಜ್ಜೆ ದನಿಗೆ ಕಿವಿಯಾಗುವಾಸೆ

ನೀ ಬರೆಯದೇ ಹೋದ ಸಾಲಿನಲ್ಲಿ
ನಿನ್ನ ಎದೆಯ ಮಿಡಿತ ಹುಡುಕುತ್ತಾ
ಕಣ್ಣ ಹನಿಗೆ ಕವಿಯಾಗುವಾಸೆ !!

ನನ್ನೆದೆಯ ‘ಬ್ಲಾಗ್-ಸ್ಪಾಟ’ ನ್ನು

ನಿನ್ನ ಪ್ರೀತಿಯ ವರ್ಡ್ – ಪ್ರೆಸ್ ಮಾಡಿದೆ…

ಇಂಪ್ರೆಸ್ ಮಾಡಿದೆ!!
——————————————–

ನಿನ್ನ ನಿರಾಕರಣದ

ಸುತ್ತಿಗೆಯೇಟಿಗೆ

ನನ್ನೆದೆಯಲಿ ನೆಟ್ಟು ಹೋದ

ನೆನಪಿನ ಮೊಳೆಗಳು

ಚುಚ್ಚುತಲೇ ಇವೆ…

ಬಿಟ್ಟೂ ಬಿಡದೇ

ಕ್ಷಮಿಸೋಣವೆಂದು ನಾ

ಹೆಣಗಿದೆ ಏಸೋ

ಕ್ಷಮಿಸು…

ನಾ ಆಗಲಾರೆ ಯೇಸು… 🙂

——————————————–