Posts Tagged ‘ಹನಿ’

ಅಂತರಂಗದ ಆಪ್ತಸ್ವರ ಮನಸಿನಲಿ ಮರ್ಮರಿಸಿದಾಗ

ನನ್ನ ಬ್ಲಾಗ್ ಮತ್ತು ಕವನ ಸಂಕಲನದ ನನ್ನಿಷ್ಟದ ಹನಿಗಳನ್ನು ಆರಿಸಿ ಈ ಕೆಳಗಿನ PDFನಲ್ಲಿ ಪೋಣಿಸಿದ್ದೇನೆ

ಕವನ ಸಂಕಲನ-‘ಅಂತರಂಗದ ಆಪ್ತಸ್ವರ’
ಬ್ಲಾಗ್ ‘ಮನಸಿನ ಮರ್ಮರ’ದ some-ಕವನಗಳು… ಸಂಚಲನಗಳು 😛

ಬೇಕೆನಿಸಿದಾಗ ಓದಲು PDF ಡೌನ್ಲೋಡ್ ಮಾಡಲು ಕೆಳಗಿನ ಕೊಂಡಿ ಕ್ಲಿಕ್ಕಿಸಿ 🙂

ಕವಿತೆ ಎಂದು ಹೆಸರಿಟ್ಟೆ… ನಿಟ್ಟುಸಿರಿಟ್ಟೆ 

ಮನಸಿನ_ಮರ್ಮರ

Advertisements

aboutworkingmemory

 

 

 

 

 

 

 

 

 

 

 

ಕವಿತೆ ಕುಡಿಯೊಡಯಬೇಕು
ಕಾನನದಿ ಕವಿದ ಕತ್ತಲೆಯೊಳಗೆ
ಕಣ್ದೆರೆದು

ರಾತ್ರಿ ಮೊಗ್ಗಾಗಿದ್ದ ಮಲ್ಲಿಗೆ
ಮುಂಜಾವದ ಮಂಜಲಿ
ಮೆಲ್ಲನೆ ಮುಗುಳ್ನಕ್ಕಂತೆ…

ನಟ್ಟಿರುಳ ನಿದ್ದೆಯಲ್ಲಿಯೂ
ನೆಪವಿಲ್ಲದೆ ನಿನ್ನ
ನಗೆಯ ನೆನಪಾದಂತೆ…

ಬಲವಂತಕೆ ಬಸಿರ ಬಗೆದರೆ
ಬಿಡುಗಡೆಯಲ್ಲವದು…
ಭ್ರೂಣ ಹತ್ಯೆ

ವ್ಯತ್ಯಾಸ ಇಷ್ಟೇ…
ಒಲುಮೆಯ ತುದಿಬೆರಳ
ಸ್ಪರ್ಶದ ನವಿರು ಪುಳಕ
ತೆವಲು-ತೀಟೆಗೆ ತಡಕಾಡುವ
ಕರಗಳ ಚಳಕ

‘ನ’ ಮತ್ತು ‘ದ’ ಅಕ್ಷರಗಳ ಕಾಗುಣಿತ …. ಹೀಗೊಂದು ಕವನವಲ್ಲದ ಕವಿತಾ…

ನಾ ನಿನ್ನೆ… ನಿನ್ನ ನೆನೆದೆ….
ನೀನಾದೆ ನನ್ನೆದೆ ದನಿ…..
ನನ್ನ ನಾದ….
ದಿನಾ ನಿನ್ನದೇ ನಿನಾದ…

ನೀನೇನಾದೆ…ನನ್ನ ನೆನೆ-ನೆನೆದು…..?
ನಿನ್ನದೂ ನಂದೇ ನಾದ?

ನನ್ನೆದೆ ನಂದನದಿ
ನೀನೊಂದು ನದಿ….
ನದಿ ನೀನಾದೆ….
ನಾನೇನಾದೇ….

ನದಿ ದನಿ…ನಾನಾದೆ…
ನಾನೇ ನಾನಾದೆ…. 🙂

ಮುಗಿವೆ ನಾ ಕೈಯನು 

ಮರುಕಳಿಸದಿರು ಮತ್ತೆ

ಮುಂದಿನ ಜನುಮದಲಿ

ನೆನಪಾಗಿ ಕಾಡಲು

————————

ಕಣ್ಣಂಚಿನ ತೇವ ಆರಿ ಹೋದೀತು

ಇಂದಲ್ಲಾ ನಾಳೆ

ಎದೆಯೊಳಗಿನ ಗಾಯಕ್ಕೆ

ಮದ್ದು ಗೊತ್ತಿದ್ದರೆ ಹೇಳೆ

—————————-

ಮನಸಿನ ಮುನಿಸೊಂದು ಮರಳುಗೂಡು

ಮನ್ನಿಸಿ ಮುನಿಸನ್ನು ಮರೆತುಬಿಡು

ಮನಸಾಗಿದೆ ಮಳೆಯಿಲ್ಲದ ಮರಳುಗಾಡು

ಮುಗುಳ್ನಗೆಯ ಮುಖಹೊತ್ತು ಮರಳಿಬಿಡು

——————————–

ನಿನ್ನ ಪ್ರೇಮ ಯಾಚಿಸಿ ನಾ

ಅದೆಷ್ಟು ಪೋಸ್ಸ್ಟ್ ಮಾಡಿದೆ

ಫೋನ್ ಮಾಡಿದೆ

ನಿನ್ನ ಉತ್ತರವನ್ನೇಕೆ ಗೆಳತಿ

ನೀ ಪೋಸ್ಟ್ ಫೋನ್ ಮಾಡಿದೆ

ನೆನಪುಗಳ ಬಿಸಿಗಾಳಿ

ಹಗಲಿರುಳು ಬೀಸುತಿದೆ

ನಿನ್ನಾಗಮನದ ಮಂದಾನಿಲವ

ಮನವು ಬಯಸುತ್ತಿದೆ

ಪ್ರತಿಕ್ಷಣದ  ಪ್ರತೀಕ್ಷೆಯಲಿ

ಭಾವ ಬೇಸತ್ತಿದೆ

ಬಾ ಬಿರುಮಳೆಯಾಗಿ…

ಭರವಸೆಯ ಬೇರು ಸಾಯುತ್ತಿದೆ…

ನೀರೇ ಇಲ್ಲದೆ

ಓ ನೀರೆ ನೀನಿಲ್ಲದೆ….!!!