Posts Tagged ‘aramane’

ಹಿಂದೊಮ್ಮೆ ಪತ್ರೊಡೆ ಪತ್ಥರ್ ವಡೆ ಆದ ಅಣಕ ಬರೆದಿದ್ದೆ.  ಕೊಲವೆರಿ ಇ-ಸ್ಟೈಲಲ್ಲಿ

ನಮ್ಮ ಕನ್ನಡದ ಕೊಲವೆರಿ ಅಂತ ಯೂಟ್ಯೂಬಲ್ಲಿ ಅತೀ ಹೆಚ್ಚು ಹಿಟ್ ಪಡೆದ ಪವನ್ ವಿರಚಿತ ‘ಗೋವಿಂದಾಯ ನಮಃ’ ದ  ‘ಪ್ಯಾರ್-ಗೇ ಆಗ್-ಬಿಟ್ಟೈತೆ’ಗೆ ಪತ್ರೊಡೆ ಮಸಾಲಾ ‘ಮಿಕ್ಸಿ’ದ್ರೆ ‘ಹಿಟ್ಟಾ’ಗುತ್ತಾ ? :-)

ಪತ್ಥರ್-ಗೇ ಆಗ್ ಬಿಟ್ಟೈತೆ… ಈ ಪತ್ರೊಡೆ… ಪತ್ಥರ್-ಗೇ ಆಗ್ ಬಿಟ್ಟೈತೆ
ವೇಸ್ಟ್- ಗೇ ಆಗ್ ಬಿಟ್ಟೈತೆ… ಈ ಪತ್ರೊಡೆ… ವೇಸ್ಟ್- ಗೇ ಆಗ್ ಬಿಟ್ಟೈತೆ

ಖಾನೇ ಲಾಯಕ್ ಅನ್ಸತಾ ಇಲ್ಲ… ಪತ್ರೊಡೆ
ತಿಂದ್ ಗಿಂದ್ ಹೊಟ್ಟೇ ನೋವು… ಬರ್ತದೇ
ಮಾಡಿದ್ದೆಲ್ಲಾ ಹಾಳಾಗ್ ಬಿಟ್ಟೈತೆ

ಪತ್ಥರ್-ಗೇ ಆಗ್ ಬಿಟ್ಟೈತೆ…
ಪತ್ಥರ್-ಗೇ ಆಗ್ ಬಿಟ್ಟೈತೆ…
ಪತ್ಥರ್-ಗೇ ಆಗ್ ಬಿಟ್ಟೈತೆ… ಈ ಪತ್ರೊಡೆ… ಪತ್ಥರ್-ಗೇ ಆಗ್ ಬಿಟ್ಟೈತೆ

ಕಲ್ಲು ತಿಂದು ಹಲ್ಲು ಬಿದ್ದು… ನಮ್ಮ ಮನ್ಯಲ್ ಎಲ್ಲ ನಂಗೆ… ಕ್ಯಾಕರ್ಸಿ… ಉಗಿತವ್ರೇ
ನಿಮ್ದೂಕೇ… ವೇಸ್ಟ್ ಕಿಯಾ ಅನ್ನುತಾವ್ರೇ
ಕಲ್ಲು ತಿಂದು ಹಲ್ಲು ಬಿದ್ದು… ನಮ್ಮ ಮನ್ಯಲ್ ಎಲ್ಲ ನಂಗೆ… ಕ್ಯಾಕರ್ಸಿ… ಉಗಿತವ್ರೇ
ನಿಮ್ದೂಕೇ… ವೇಸ್ಟ್ ಕಿಯಾ ಅನ್ನುತಾವ್ರೇ

ಅಗ್ಯೋದ್ ಗಿಗ್ಯೋದ್ ನಕ್ಕೋಜಿ
ಸುಮ್ಕೇ ಗುಳುಮ್ ಕರೋಜಿ
ನಮ್ದುಕೇ ರಿಕ್ವೆಸ್ಟ್ ಕರ್ತಾ ಹೈ

ಪತ್ಥರ್-ಗೇ ಆಗ್ ಬಿಟ್ಟೈತೆ… ಈ ಪತ್ರೊಡೆ… ಪತ್ಥರ್-ಗೇ ಆಗ್ ಬಿಟ್ಟೈತೆ
ಪತ್ಥರ್-ಗೇ ಆಗ್ ಬಿಟ್ಟೈತೆ… ಈ ಪತ್ರೊಡೆ… ಪತ್ಥರ್-ಗೇ ಆಗ್ ಬಿಟ್ಟೈತೆ

ಆಸೆ ಪಟ್ಟು ತಿಂದು ಬಿಟ್ಟು… ತಿಂದ ಮೇಲೆ ಹೊಟ್ಟೆ ಕೆಟ್ಟು… ಡಾಕ್ಟರ್ ಹತ್ರ ಕರ್ಕೊಂಡೋಗೋರ್ಯಾರ್
ನಿಮ್ಮನ್ನ… ಡಾಕ್ಟರ್ ಹತ್ರ ಕರ್ಕೊಂಡೋಗೋರ್ಯಾರ್
ಆಸೆ ಪಟ್ಟು ತಿಂದು ಬಿಟ್ಟು… ತಿಂದ ಮೇಲೆ ಹೊಟ್ಟೆ ಕೆಟ್ಟು… ಡಾಕ್ಟರ್ ಹತ್ರ ಕರ್ಕೊಂಡೋಗೋರ್ಯಾರ್
ನಿಮ್ಮನ್ನ… ಡಾಕ್ಟರ್ ಹತ್ರ ಕರ್ಕೊಂಡೋಗೋರ್ಯಾರ್

ಸುಮ್ನೇ ಕೀಟ್ಲೆ ಯಾಕ್ಮಾಡ್ತೀ
ವಾಸ್ನೇ ಘಂ-ಘಂ ಅಂತೈತೆ
ತಿನ್ನೋಕ್ ಶುರು ಕರ್ಕೇ ದೇಖೋಜಿ…

ತಕ್ಕೋ… ತಕ್ಕೋ…

ಪತ್ಥರ್-ಗೇ ಆಗ್ ಬಿಟ್ಟೈತೆ… ಈ ಪತ್ರೊಡೆ… ಪತ್ಥರ್-ಗೇ ಆಗ್ ಬಿಟ್ಟೈತೆ
ವೇಸ್ಟ್- ಗೇ ಆಗ್ ಬಿಟ್ಟೈತೆ… ಈ ಪತ್ರೊಡೆ… ವೇಸ್ಟ್- ಗೇ ಆಗ್ ಬಿಟ್ಟೈತೆ

ಖಾನೇ ಲಾಯಕ್ ಅನ್ಸತಾ ಇಲ್ಲ… ಪತ್ರೊಡೆ
ತಿಂದ್ ಗಿಂದ್ ಹೊಟ್ಟೇ ನೋವು… ಬರ್ತದೇ
ಮಾಡಿದ್ದೆಲ್ಲಾ ಹಾಳಾಗ್ ಬಿಟ್ಟೈತೆ… ಛೇ… ಛೇ… ಛೇ…

ಪತ್ಥರ್-ಗೇ ಆಗ್ ಬಿಟ್ಟೈತೆ… ಈ ಪತ್ರೊಡೆ… ಪತ್ಥರ್-ಗೇ ಆಗ್ ಬಿಟ್ಟೈತೆ

ಮೂಲ ಹಾಡು: ‘ಗೋವಿಂದಾಯ ನಮಃ’ ಚಿತ್ರದ ‘ಪ್ಯಾರ್‌ಗೆ ಅಗ್ಬಿಟೈತೆ…’
ಕೃಪೆ: kannadalyrics.com

ಪ್ಯಾರ್‌ಗೆ ಅಗ್ಬಿಟೈತೆ… ಓ ನಮ್ದುಕ್ಕೆ… ಪ್ಯಾರ್‌ಗೆ ಅಗ್ಬಿಟೈತೆ
ಜಾನ್‌ಗೆ ಹೋಗ್ಬಿಟೈತೆ… ಓಯ್ ನಮ್ದುಕ್ಕೆ… ಜಾನ್‌ಗೆ ಹೋಗ್ಬಿಟೈತೆ

ಖಾನಾ ಪೀನಾ ಸೇರ್ತಾ ಇಲ್ಲ… ನಮ್ದುಕೇ
ನೀಂದ್ ಗೀಂದ್ ಬರ್ತಾ ಇಲ್ಲ… ನಮ್ದುಕೇ
ಜಿಂದ್‌ಗೀನೆ ಹಾಳಾಗ್ಬಿಟೈತೆ

ಪ್ಯಾರ್‌ಗೆ ಅಗ್ಬಿಟೈತೆ…
ಪ್ಯಾರ್‌ಗೆ ಅಗ್ಬಿಟೈತೆ…
ಪ್ಯಾರ್‌ಗೆ ಅಗ್ಬಿಟೈತೆ… ಓಯ್ ನಮ್ದುಕ್ಕೆ… ಪ್ಯಾರ್‌ಗೆ ಅಗ್ಬಿಟೈತೆ

ದಿಲ್ದು ಒಳ್ಗೆ ಗುಲ್ಲು ಎದ್ದು… ನಮ್ದು ಮನ್ಸು ಯಾಕೋ ಇಂದು… ಕ್ಯಾಕರ್ಸಿ… ಉಗಿತೈತೆ
ನಿಮ್ದುಕ್ಕೆ… ಪ್ಯಾರ್ ಕರೋ ಅಂತಾ ಐತೆ
ದಿಲ್ದು ಒಳ್ಗೆ ಗುಲ್ಲು ಎದ್ದು… ನಮ್ದು ಮನ್ಸು ಯಾಕೋ ಇಂದು… ಕ್ಯಾಕರ್ಸಿ… ಉಗಿತೈತೆ
ನಿಮ್ದುಕ್ಕೆ… ಪ್ಯಾರ್ ಕರೋ ಅಂತಾ ಐತೆ

ಉಗ್ಯೋ-ಗಿಗ್ಯೋ ನಕ್ಕೊಜಿ
ಸುಮ್ಕೇ ಪ್ಯಾರ್ ಕರೋಜಿ
ನಮ್ದುಕ್ಕೆ ನಿಮ್… ಇಶ್ಕ್ ಕರ್ತಾ ಹೈ

ಪ್ಯಾರ್‌ಗೆ ಅಗ್ಬಿಟೈತೆ… ಓಯ್ ನಮ್ದುಕ್ಕೆ… ಪ್ಯಾರ್‌ಗೆ ಅಗ್ಬಿಟೈತೆ
ಪ್ಯಾರ್‌ಗೆ ಅಗ್ಬಿಟೈತೆ… ಓಯ್ ನಮ್ದುಕ್ಕೆ… ಪ್ಯಾರ್‌ಗೆ ಅಗ್ಬಿಟೈತೆ

ಶಾದಿ ಗೀದಿ ಆಗ್-ಬಿಟ್ಟಿ… ಛೋಟಾ ಘರ್ ಮಾಡ್-ಬಿಟ್ಟಿ… ಡಜನ್ ಮಕ್ಳು ಹೆತ್ತುಬಿಡೋದೇ
ಇನ್ಮುಂದೆ… ಡೆಕೇಡ್ ಭರ್ಕೋ ಹೆತ್ತುಬಿಡೋದೇ
ಶಾದಿ ಗೀದಿ ಆಗ್-ಬಿಟ್ಟಿ… ಛೋಟಾ ಘರ್ ಮಾಡ್ಕೊಂಡ್ಬಿಟ್ಟಿ… ಡಜನ್ ಮಕ್ಳು ಹೆತ್ತುಬಿಡೋದೇ
ಇನ್ಮುಂದೆ… ಡಜನ್ ಡಜನ್ ಹೆತ್ತುಬಿಡೋದೇ

ಅಲ್ಲಿಗಂಟಾ ಯಾಕ್ ಕಾಯ್ತೀ
ಒಳಗೆ ಜುಂ-ಜುಂ ಅಂತೈತಿ
ಇಲ್ಲೇ ಶುರು ಹಚ್ಕೊಂಬಿಡೋದೇ

ನಕ್ಕೋ… ನಕ್ಕೋ…

ಪ್ಯಾರ್‌ಗೆ ಅಗ್ಬಿಟೈತೆ… ಓ ನಮ್ದುಕ್ಕೆ… ಪ್ಯಾರ್‌ಗೆ ಅಗ್ಬಿಟೈತೆ
ಜಾನ್‌ಗೆ ಹೋಗ್ಬಿಟೈತೆ… ಓಯ್ ನಮ್ದುಕ್ಕೆ… ಜಾನ್‌ಗೆ ಹೋ…ಗ್ಬಿಟೈತೆ

ಖಾನಾ ಪೀನಾ ಸೇರ್ತಾ ಇಲ್ಲ… ನಮ್ದುಕೇ
ನೀಂದ್ ಗೀಂದ್ ಬರ್ತಾ ಇಲ್ಲ… ನಮ್ದುಕೇ
ಜಿಂದ್‌ಗೀನೆ ಹಾಳಾಗ್ಬಿಟೈತೆ… ಎ… ಎ… ಎ…

ಪ್ಯಾರ್‌ಗೆ ಅಗ್ಬಿಟೈತೆ.. ಓ ನಮ್ದುಕ್ಕೆ ಪ್ಯಾರ್‌ಗೆ ಅಗ್ಬಿಟೈತೆ

Advertisements

ಎಕ್ಸಾಮ್ ಹಾಲಲ್ಲಿ ಉತ್ರ ಬರೆಯೋಕೆ ಗೊತ್ತಿಲ್ದೆ ಹಾಲೇ ‘ಸೆರೆಮನೆ’ಯಾದಾಗ ‘ಅರಮನೆ’ ಚಿತ್ರದ ‘ಪತ್ರ ಬರಯಲಾ… ಇಲ್ಲಾ ಚಿತ್ರ ಬಿಡಿಸಲಾ…’ ಹಾಡು ‘ಉತ್ರ ಬರೆಯಲಾ… ಇಲ್ಲ ಪ್ರಶ್ನೆ ಬರೆಯಲಾ’ ಎಂಬ ಸಂದಿಗ್ಧದ ಪಾಡಾಗಿದೆ 🙂

 

ಉತ್ರ ಬರೆಯಲಾ… ಇಲ್ಲ ಪ್ರಶ್ನೆ ಬರೆಯಲಾ
ಹೇಗೆ ತುಂಬಲಿ ನಾನು… ಖಾಲಿ ಪುಟಗಳ

ಕಾಪಿ-ಮಾಡಲಾ… ಇಲ್ಲಾ ನೀಕಿ ನೋಡಲಾ
ಹೇಗೆ ಕಳೆಯಲಿ ನಾನು… ಎರಡು ಗಂಟೆಗಳ
ಉತ್ರ ಬರೆಯಲಾ…

ಮುಷ್ಟೀಲಿ ಹಿಡಿದು ನನ್ನ…ಟಫ್ಫಾದ ಈ ಪೇಪರನ್ನ
ಮಡ್ಚುತ್ತಾ ಹಾಗೆ ಅಲ್ಲೇ… ಮುದ್ದೆಯ ಮಾಡುವ ಆಸೆ
ಆರಾಮಾಗಿ ಸುಮ್ಮನೆ ನನ್ನ… ಡೆಸ್ಕ್-ಮೇಲೆ ಮಲಗುವ ಮುನ್ನ
ಈ ಎಕ್ಸಾಮು ಹಾಲಿನಿಂದ… ನಾ ಓಡಿ ಹೋಗುವಾಸೆ

ಸುಮ್ನೆ ಕೂರಲಾ… ನಿದ್ರೆ ಮಾಡಲಾ… ಓಡಿ ಹೋಗಲಾ…
ನಾ ಏನು ಏನು ಏನು ಮಾಡಲಿ?

ಉತ್ರ ಬರೆಯಲಾ… ಇಲ್ಲ ಪ್ರಶ್ನೆ ಬರೆಯಲಾ
ಹೇಗೆ ತುಂಬಲಿ ನಾನು… ಖಾಲಿ ಪುಟಗಳ
ಉತ್ರ ಬರೆಯಲಾ…

ಕಷ್ಟವಾದ ಪ್ರಶ್ನೆಗಳನ್ನ… ಪರೀಕ್ಷೇಲಿ ಕೇಳ್ದವರನ್ನ
ಬಾಯ್ತುಂಬಾ ಬೈಬೇಕಂತ… ನನ್ನ ಮಹದಾಸೆ
ಫೇಲು ಆಗಿ ಬಿಟ್ಟರೆ ಹೇಗೂ… ಇನ್ನೊಮ್ಮೆ ಕೂರುವೆ ನಾನು
ಉತ್ರವೆನುತ ಪ್ರಶ್ನೆ ಬರೆದು… ಪುಟ ತುಂಬೋದ್-ವಾಸಿ

ಬರೋ ಮಾರ್ಚಿಗೂ… ಅದರಾಚೆಗೂ… ಬರೆದ್ರಾಯಿತು
ನಾ ಫೇಲು ಫೇಲು ಫೇಲು ಆದರೆ

ಉತ್ರ ಬರೆಯಲಾ… ಇಲ್ಲ ಪ್ರಶ್ನೆ ಬರೆಯಲಾ
ಹೇಗೆ ತುಂಬಲಿ ನಾನು… ಖಾಲಿ ಪುಟಗಳ

ಕಾಪಿ-ಮಾಡಲಾ… ಇಲ್ಲಾ ನೀಕಿ ನೋಡಲಾ
ಹೇಗೆ ಕಳೆಯಲಿ ನಾನು… ಎರಡು ಗಂಟೆಗಳ
ಉತ್ರ ಬರೆಯಲಾ…

ಮೂಲ ಹಾಡು: ‘ಅರಮನೆ’ ಚಿತ್ರದ ‘ಪತ್ರ ಬರಯಲಾ… ಇಲ್ಲಾ ಚಿತ್ರ ಬಿಡಿಸಲಾ…’
ಕೃಪೆ : kannadalyrics.com

ಪತ್ರ ಬರೆಯಲಾ… ಇಲ್ಲ ಚಿತ್ರ ಬಿಡಿಸಲಾ
ಹೇಗೆ ಹೇಳಲಿ ನನ್ನ… ಮನದ ಹಂಬಲ

ಮಾತನಾಡಲಾ… ಇಲ್ಲ ಹಾಡು ಹಾಡಲಾ
ಹೇಗೆ ತಿಳಿಸಲಿ ನನ್ನ… ಎದೆಯ ತಳಮಳ
ಪತ್ರ ಬರೆಯಲಾ…

ಬೊಗಸೇಲಿ ಹಿಡಿದು ನಿನ್ನ… ಮುದ್ಡಾದ ಈ ಮೊಗವನ್ನ
ನೋಡುತ್ತಾ ಹಾಗೆ ನಿನ್ನ… ಕಣ್ಣಲ್ಲೇ ಕರಗೋ ಆಸೆ
ಮಗುವಾಗಿ ಸುಮ್ಮನೇ ನಿನ್ನ… ಮಡಿಲಲ್ಲಿ ಮಲಗಿಸೋ ಮುನ್ನ
ಈ ಬೆಚ್ಚಗೆ ಎದೆಯಲ್ಲಿ… ನಾ ಬಚ್ಚಿ ಕೂರುವಾಸೆ

ನಗುವಾಗಲಾ… ನೆರಳಾಗಲಾ… ಉಸಿರಾಗಲಾ…
ಐ ಲವ್ ಯೂ ಲವ್ ಯೂ ಲವ್ ಯೂ ಗೆಳೆಯ

ಪತ್ರ ಬರೆಯಲಾ… ಇಲ್ಲ ಚಿತ್ರ ಬಿಡಿಸಲಾ…
ಹೇಗೆ ಹೇಳಲಿ ನನ್ನ… ಮನದ ಹಂಬಲ
ಪತ್ರ ಬರೆಯಲಾ…

ನುಣುಪಾದ ಪಾದಗಳನ್ನ… ನೆಲವನ್ನು ಸೋಕುವ ಮುನ್ನ
ಅಂಗೈನ ಚಾಚಿ ನಿನ್ನ… ನಾ ನಡೆಸುವಾಸೆ
ಜೊತೆಯಾಗಿ ಇದ್ದರೆ ನಾವು… ಒಂದೊಮ್ಮೆ ಬಂದರೂ ಸಾವು
ನಗುನಗುತ ಅಲ್ಲೇ ಅದನು… ಸ್ವೀಕರಿಸುವಾಸೆ

ಯುಗದಾಚೆಗೂ… ಜಗದಾಚೆಗೂ… ಜೊತೆಯಾಗಿರು…
ಐ ಲವ್ ಯೂ ಲವ್ ಯೂ ಲವ್ ಯೂ ಗೆಳೆಯ

ಪತ್ರ ಬರೆಯಲಾ… ಇಲ್ಲ ಚಿತ್ರ ಬಿಡಿಸಲಾ
ಹೇಗೆ ಹೇಳಲಿ ನನ್ನ… ಮನದ ಹಂಬಲ

ಮಾತನಾಡಲಾ… ಇಲ್ಲ ಹಾಡು ಹಾಡಲಾ
ಹೇಗೆ ತಿಳಿಸಲಿ ನನ್ನ… ಎದೆಯ ತಳಮಳ
ಪತ್ರ ಬರೆಯಲಾ…

 

ಅರಮನೆ ಚಿತ್ರ ಇಲ್ಲಿ ಸಾಫ್ಟ್‌ವೇರ್-ಮನೆ ಯಾಗಿದೆ.

ಅದರ ಪಂಚ್‌ಲೈನು ಪ್ರೀತಿ ತುಂಬಿದ ಪ್ರತೀ ಗೂಡೂ ಅರಮನೆ ಅನ್ನೋದು ಇಲ್ಲ ಸ್ವಲ್ಪ ಬದಲಾಯಿಸಿ.. ಬಗ್ಸ್ ತುಂಬಿದ ಪ್ರತೀ ಕೋಡೂ ಕರಮಾನೇ ಅಂತಾಗಿದೆ J

 

ಅರಮನೆ ಚಿತ್ರದ ಪತ್ರ ಬರೆಯಲಾ….ಇಲ್ಲಾ ಚಿತ್ರ ಬಿಡಿಸಲಾ ಹಾಡು ಕೇಳಿದ್ದೀರಲ್ಲಾ…? ಅದೇ ಹಾಡನ್ನು ನಮ್ ಸಾಫ್ಟ್‌ವೇರ್ ಡೆವಲಪರ್ ಹಾಡಿದ್ರೆ ಹೇಗಿರುತ್ತೆ ಅಂತಾ ನೋಡಿ…!!

 

ನಿಮ್ಮ ಅನುಕೂಲಕ್ಕೆ ಒರಿಜಿನಲ್ ಹಾಡನ್ನು ಪಕ್ಕದಲ್ಲೇ ಕೊಟ್ಟಿದ್ದೀನಿ ನೋಡಿ…

 

ಟೆಸ್ಟ್ ಮಾಡಲಾ… ಇಲ್ಲಾ ಡಿಬಗ್ ಮಾಡಲಾ…

ಹೇಗೆ ಹುಡುಕಲಿ ನನ್ನ ಮಾಡ್ಯುಲ್ ಬಗ್‌ಗಳಾ…

 

ಪ್ರೊಫೈಲರ್ ಹಾಕಲಾ… ಇಲ್ಲಾ ಬ್ರೇಕ್‌ಪಾಯಂಟ್ ಹಾಕಲಾ…

ಹೇಗೆ ತಿಳಿಯಲಿ ನಾನು ಎರರ್ ಮೂಲಗಳಾ…

ಟೆಸ್ಟ್ ಮಾಡಲಾ……..

 

ಮುಗಿದಾದ ಮಾಡ್ಯುಲನ್ನ… ಬದಲಾಯ್ಸಿ ಹಾಕುವ ಮುನ್ನ…

ತೆಗೆದಿಟ್ಟು ಬ್ಯಾಕಪ್ಪನ್ನ… ಸೇವ್ ಮಾಡಬೇಕು…

ತಪ್ಪಿರೋದು ಬ್ಯಾಕೆಂಡಲ್ಲಾ… ಬಗ್ ಇರೋದು ಫ್ರಂಟೆಂಡಲ್ಲಾ…

ಜಾಲಾಡಿ ಹುಡುಕಿ ಬೇಗ… ಬಗೆಹರಿಸುವಾಸೆ

 

ನಾನೇ ಮಾಡಲಾ… ಕಲೀಗ್ನ ಕೇಳಲಾ..ನೆಟ್‌ನಲ್ಲಿ ಹುಡುಕಲಾ….

ನಾ ಏನು ಏನು ಏನು ಮಾಡಲೀ….

 

ಟೆಸ್ಟ್ ಮಾಡಲಾ… ಇಲ್ಲಾ ಡಿಬಗ್ ಮಾಡಲಾ… ||

  

ಒಂದು ಬಗ್ ಫಿಕ್ಸ್ ಆಗೋ ಮುನ್ನ… ಮತ್ತೆರಡು ಬಂತಲ್ಲಣ್ಣ…

ಮನೆ ಸೇರಿ ರಾತ್ರಿಗೆ ಮುನ್ನ… ಮಲಗೋಕೆ ಆಸೆ…

ರಿಕ್ವಾಯರ್‌ಮೆಂಟು ಫ್ರೀಜಾಗಿಲ್ಲ… ಬಫರ್ ಟೈಮು ಮೊದಲೇ ಇಲ್ಲ…

ಡೆಡ್‌ಲೈನು ಹತ್ರ ಬಂತಲ್ಲಾ… ಮುಗಿಸೋದು ಹ್ಯಾಗೆ…

 

ನೈಟ್‌ಔಟ್ ಮಾಡಲಾ… ವೀಕೆಂಡ್ ಬರಲಾ.. ಏನ್ ಸಾಯಲೀ…

ನಾ ಏನು ಏನು ಏನು ಮಾಡಲೀ….

 

ಟೆಸ್ಟ್ ಮಾಡಲಾ… ಇಲ್ಲಾ ಡಿಬಗ್ ಮಾಡಲಾ… ||

 

 

 CAPÀUÀ¼ÀÄ 3

( 5 – CvÀÄåvÀÛªÀÄ , 4 – GvÀÛªÀÄ , 3 – ¸ÁzsÁgÀt, 2 PÀ¼À¥É , 1 wÃgÁ PÀ¼À¥É )

ನಾಗಶೇಖರ್ ನಿರ್ದೇಶನದ ಅರಮನೆ ಚಿತ್ರ ನೋಡಿ ಹೊರಬಂದ ಮೇಲೆ ಅನ್ನಿಸಿದ್ದಿದು. ಚಿತ್ರ ನಿರ್ಮಾಣದ ಸಮಯದಲ್ಲಿ ಚಿತ್ರದ ಕುರಿತು ಕೇಳಿ ಬಂದ ಅಪಾರ ಮೆಚ್ಚುಗೆಯ ಮಾತುಗಳು ಮತ್ತು ನಾಗಶೇಖರ್‌ರ ಅಪಾರ ಪರಿಶ್ರಮದ ಬಗ್ಗೆ ಮಾಧ್ಯಮಗಳಲ್ಲಿ ಬಂದಿದ್ದ ವಿವರಣೆಗಳನ್ನು ಮನಸ್ಸಿನಲ್ಲಿಟ್ಟುಕೊಂಡು ಅಪಾರ ನಿರೀಕ್ಷೆ ಇಟ್ಟುಕೊಂಡು ಚಿತ್ರ ನೋಡಲು ಹೋದರೆ ಚಿತ್ರ ನೋಡಿ ಬಂದ ಮೇಲೆ ಅದರಲ್ಲಿ ಅರ್ಧದಷ್ಟು ಮಾತ್ರ ತೃಪ್ತಿ ಸಿಕ್ಕ ಸಮಾಧಾನ ಇನ್ನರ್ಧ ಅಸಮಾಧಾನ. ಹಾಗಂತ ಚಿತ್ರ ತೀರಾ ಕಳಪೆಯಾಗೇನೂ ಇಲ್ಲ. ಆದರೆ ಪ್ರಥಮಾರ್ಧ ನೋಡಿದ ಮೇಲೆ ಮನಸ್ಸಿನಲ್ಲಿರುವ ಖುಷಿ ಚಿತ್ರ ಮುಗಿದ ಮೇಲೆ ಉಳಿಯೋದಿಲ್ಲ ಅನ್ನೋದು ಅಷ್ಟೇ ಸತ್ಯ. ಮಧ್ಯಂತರದ ನಂತರದ ಎಳೆತವನ್ನು ಸಹಿಸುವ ತಾಳ್ಮೆ ಇದ್ದರೆ ಒಮ್ಮೆ ನೋಡಲು ಅಡ್ಡಿಯಿಲ್ಲ.

 

ಚಿತ್ರದ ಹೆಸರೇ ಹೇಳುವಂತೆ ಅದೊಂದು ಅರಮನೆಯಂತಹ ಮನೆಯ ಸುತ್ತ ಹೆಣೆದ ಕಥೆ. ಇಡೀ ಅರಮನೆಯಲ್ಲಿ ಇರೋದು ಅರಮನೆಯ ರಾಜ  ರಾಜಶೇಖರ್ ಅರಸ್(ಅನಂತ್ ನಾಗ್) ಮತ್ತು ಅವರ ಸೇವಕ ಬಸಯ್ಯ(ಕರಿಬಸವಯ್ಯ). ಗತಿಸಿ ಹೋದ ಹೆಂಡತಿಯ ನೆನಪಲ್ಲೇ ಕೊರಗುತ್ತಾ, ಮೂರು ಹೊತ್ತೂ ಮದಿರೆಯ ಮತ್ತಲ್ಲೇ ತೇಲುತ್ತಾ ಇರುವ ಅರಸ. ಅಲ್ಲಿಗೆ ಫೋಟೋ ತೆಗೆಯೋಕೆ ಬರೋದು ಅರುಣ ಅನ್ನೋ ಹೆಸರಿನ ಗಣೇಶ. ತಾತ.. ತಾತ.. ಅಂತ ಕರೆಯುವ, ಚಿನುಕುರುಳಿಯಂತೆ ಮಾತಾಡುತ್ತ ಕತ್ತಲೆ ತುಂಬಿದ ಅರಮನೆಗೆ ಅರುಣನಿಂದ ನವ ಅರುಣೋದಯ. ತಮ್ಮ ಎಂದಿನ ಲವಲವಿಕೆಯಿಂದ ಪಂಚಿಂಗ್ ಮಾತುಗಳಿಂದ ಅರಸ್‌ಗೆ ಮಾತ್ರವಲ್ಲದೆ ವೀಕ್ಷಕರಿಗೂ ಅರುಣ ಇಷ್ಟವಾಗುತ್ತಾನೆ. ತಾತನ ನೋವಿಗೆ ಕಿವಿಯಾಗುತ್ತಾನೆ. ನಗು ನಗು ಅಂತ ನಗೆಯ ಮಂತ್ರ ಹೇಳುತ್ತಾ ಚಾರ್ಲಿ ಚಾಪ್ಲಿನ್ , ರಾಜ್ ಕಪೂರ್ ಏನೆಲ್ಲಾ ಆಗಿ ಬಿಡುತ್ತಾನೆ.

 

ಮರಣಶಯ್ಯೆಯಲ್ಲಿದ್ದ ಪತ್ನಿಯ ಮಾತಿನಂತೆ ಮದುವೆಯಾಗಲು ಹೊರಟ ಅರಸ್ ಮಕ್ಕಳೆಲ್ಲಾ ಇದೇ ಕಾರಣಕ್ಕೆ ದೂರಾಗಿ…ಅರಮನೆಯಲ್ಲಿ ಅರಸ್ ಏಕಾಂಗಿ. ಅವರನ್ನೆಲ್ಲಾ ಅರಮನೆಯಲ್ಲಿ ಒಂದಾಗಿಸಿ ಫ್ಯಾಮಿಲಿ ಫೋಟೋ ತೆಗೆಯಬೇಕೆನ್ನೋ ತಾತನ ಆಸೆಗೆ ಅರುಣ ಒತ್ತಾಸೆಯಾಗುತ್ತಾನೆ..ಭರವಸೆ ತುಂಬುತ್ತಾನೆ. ಈ ಭರವಸೆ ಈಡೇರಿಸಲು ಅರುಣನ ಹುಡುಕಾಟ, ನಡು-ನಡುವಲ್ಲಿ ಸ್ವಲ್ಪ ಹುಡುಗಾಟ, ಅರಸ್ ಹಿರೀ ಮಗಳು ಭಾವೀ ಡಾಕ್ಟರ್ ಜೊತೆ ಅಲೆದಾಟ-ಚೆಲ್ಲಾಟ, ಆಕೆ ಬೇರೆಯವನ ಪ್ರೇಮದಲ್ಲಿ ಮುಳುಗಿದವಳೆಂದು ತಿಳಿದಾಗ ಪರದಾಟ, ಆಮೇಲೆಲ್ಲಾ ಬರೀ ದೊಂಬರಾಟ !! ಇದಿಷ್ಟು ಚಿತ್ರದಲ್ಲಿರೋ ಕಥೆಯ ಇಣುಕು ನೋಟ. ಮುಂದೆ……??

 

ಅಭಿನಯದ ವಿಷಯಕ್ಕೆ ಬಂದ್ರೆ ಗಣೇಶ್, ಅನಂತ್ ನಾಗ್‌ಗೆ ಪರಸ್ಪರ ಜಿದ್ದಾಜಿದ್ದಿ ಸ್ಪರ್ಧೆಗೆ ಬಿದ್ದವರಂತೆ ಅಭಿನಯಿಸಿ ಸೈ ಅನ್ನಿಸಿಕೊಂಡರೆ, ರೋಮಾ ಅಭಿನಯ ಅಷ್ಟೇನೂ ರೋಮಾಂಚಕಾರಿಯಾಗಿಲ್ಲ. ಕರಿಬಸವಯ್ಯ ಪಾತ್ರಕ್ಕೆ ನ್ಯಾಯ ಒದಗಿಸಿ ಕೊಟ್ಟಿದ್ದರೆ, ತಾರಾ, ಅವಿನಾಶ್‌ಗೆ ಹೆಚ್ಚು ಸ್ಕೋಪ್ ಇರ್ಲಿಲ್ಲ. ಚಿತ್ರದ ಮೊದಲಾರ್ಧದ ಯಶಸ್ಸಿನ ಸಿಂಹಪಾಲು ತುಷಾರ್ ರಂಗನಾಥ್ ಸಂಭಾಷಣೆಗೆ ಸಲ್ಲುತ್ತದೆ; ಕೆಲವು ಡೈಲಾಗುಗಳು ಪಂಚ್‌ನಿಂದಾಗಿ ಮನಸ್ಸಲ್ಲಿ ನಿಲ್ಲುತ್ತವೆ. ಕವಿರಾಜ್ ಬರೆದ ಕವಿತೆಯಂತಹ ಹಾಡು ಪತ್ರ ಬರೆಯಲಾ ಇಲ್ಲ ಚಿತ್ರ ಬಿಡಿಸಲಾ…ಚಿತ್ರ ಮುಗಿಸಿ ಬಂದ ಮೇಲೂ ಮನಸ್ಸಿನಲ್ಲಿ ಉಳಿಯುತ್ತದೆ. ನಗೆ ನಗೆ ಹಾಡು ಕೂಡಾ ಪರವಾಗಿಲ್ಲ. ಕೊಲ್ಲೇ ನನ್ನನ್ನು.. ಹಾಡಲ್ಲಿ ಹಾಡುಗಾರ-ಸಂಗೀತಗಾರ ಗುರುಕಿರಣ್ ಇಷ್ಟವಾಗುತ್ತಾರೆ. ಹಾಗಾದರೆ ಚಿತ್ರ ಎಡವಿದ್ದೆಲ್ಲಿ ಅಂತೀರಾ? ಮೊದಲನೆಯದಾಗಿ ಗಟ್ಟಿ ಚಿತ್ರ ಕಥೆ ಆಯ್ಕೆ ಮಾಡದೆ ಇರುವಲ್ಲಿ. ಎರಡನೆಯದಾಗಿ ಭಾವನಾತ್ಮಕ ಸನ್ನಿವೇಶಗಳು ತೀರಾ ಪ್ರೇಕ್ಷಕರ ಸಹನೆ ಮೀರುವಷ್ಟು ಎಳೆದಾಡಿರುವಲ್ಲಿ. ಅಲ್ಲದೆ ದ್ವಿತೀಯಾರ್ಧದ ಕಥೆಯ ಜಾಡು ಮಾಮೂಲಿಯಾಗಿದ್ದು ಎಲ್ಲರೂ ಊಹಿಸಿದಂತೆ ನಡೆಯುವುದು ಕೂಡಾ ಚಿತ್ರವನ್ನು ಸಾಮಾನ್ಯವಾಗಿಸಿದೆ ಅಂತ ನನ್ನ ಅನಿಸಿಕೆ. ಡೈಲಾಗು, ಹಾಡು ಎಷ್ಟೇ ಚೆನ್ನಾಗಿದ್ರೂ ಕೂಡಾ ಗಟ್ಟಿ ಕಥೆಯ ತಳಪಾಯ ಇದ್ದರೆ ಮಾತ್ರ ಅರಮನೆ ಕಟ್ಟಬಹುದೇ ಹೊರತು ಮಾತಿನಲ್ಲೇ ಮನೆ ಕಟ್ಟೋಕಾಗುತ್ತಾ ಹೇಳಿ?

 

ಒಟ್ಟಾರೆಯಾಗಿ ನಾಗಶೇಖರ್ ಪ್ರಥಮ ನಿರ್ದೇಶನದ ಚಿತ್ರ ಸಾಕಷ್ಟು ನ್ಯೂನ್ಯತೆಯ ಹೊರತಾಗಿಯೂ ಉತ್ತಮ ಪ್ರಯತ್ನ ಅಂತ ಹೇಳಲಡ್ಡಿಯಿಲ್ಲ. ಗಣೇಶ್, ಅನಂತ್ ಅಭಿನಯ ನೋಡೋಕೆ, ಗುರುಕಿರಣ್ ಸಂಗೀತ, ಕವಿರಾಜ್, ಕಾಯ್ಕಿಣಿ ಪದಗಳ ಮಾಧುರ್ಯ ಸವಿಯೋಕೆ ಅಂತ ಟೈಂಪಾಸ್ಗಾಗಿ ಒಂದ್ಸಲ ನೋಡಬಹುದು. ಆದ್ರೆ ಫಸ್ಟ್ ಹಾಫ್ ನೋಡಿ ಸೆಕೆಂಡ್ ಹಾಫ್ ಬಗ್ಗೆ ಇಲ್ಲದ ನಿರೀಕ್ಷೆ ಮಾತ್ರ ಇಟ್ಕೋಬೇಡಿ ಅನ್ನೋ ಎಚ್ಚರಿಕೆಯನ್ನು ಮಾತ್ರ ಮರೆಯಬೇಡಿ.

                                                           ವಿಜಯ್ ರಾಜ್ ಕನ್ನಂತ್