Posts Tagged ‘hani’

ಅಂತರಂಗದ ಆಪ್ತಸ್ವರ ಮನಸಿನಲಿ ಮರ್ಮರಿಸಿದಾಗ

ನನ್ನ ಬ್ಲಾಗ್ ಮತ್ತು ಕವನ ಸಂಕಲನದ ನನ್ನಿಷ್ಟದ ಹನಿಗಳನ್ನು ಆರಿಸಿ ಈ ಕೆಳಗಿನ PDFನಲ್ಲಿ ಪೋಣಿಸಿದ್ದೇನೆ

ಕವನ ಸಂಕಲನ-‘ಅಂತರಂಗದ ಆಪ್ತಸ್ವರ’
ಬ್ಲಾಗ್ ‘ಮನಸಿನ ಮರ್ಮರ’ದ some-ಕವನಗಳು… ಸಂಚಲನಗಳು 😛

ಬೇಕೆನಿಸಿದಾಗ ಓದಲು PDF ಡೌನ್ಲೋಡ್ ಮಾಡಲು ಕೆಳಗಿನ ಕೊಂಡಿ ಕ್ಲಿಕ್ಕಿಸಿ 🙂

ಕವಿತೆ ಎಂದು ಹೆಸರಿಟ್ಟೆ… ನಿಟ್ಟುಸಿರಿಟ್ಟೆ 

ಮನಸಿನ_ಮರ್ಮರ

Advertisements

ಮುಗಿವೆ ನಾ ಕೈಯನು 

ಮರುಕಳಿಸದಿರು ಮತ್ತೆ

ಮುಂದಿನ ಜನುಮದಲಿ

ನೆನಪಾಗಿ ಕಾಡಲು

————————

ಕಣ್ಣಂಚಿನ ತೇವ ಆರಿ ಹೋದೀತು

ಇಂದಲ್ಲಾ ನಾಳೆ

ಎದೆಯೊಳಗಿನ ಗಾಯಕ್ಕೆ

ಮದ್ದು ಗೊತ್ತಿದ್ದರೆ ಹೇಳೆ

—————————-

ಮನಸಿನ ಮುನಿಸೊಂದು ಮರಳುಗೂಡು

ಮನ್ನಿಸಿ ಮುನಿಸನ್ನು ಮರೆತುಬಿಡು

ಮನಸಾಗಿದೆ ಮಳೆಯಿಲ್ಲದ ಮರಳುಗಾಡು

ಮುಗುಳ್ನಗೆಯ ಮುಖಹೊತ್ತು ಮರಳಿಬಿಡು

——————————–

ನಿನ್ನ ಪ್ರೇಮ ಯಾಚಿಸಿ ನಾ

ಅದೆಷ್ಟು ಪೋಸ್ಸ್ಟ್ ಮಾಡಿದೆ

ಫೋನ್ ಮಾಡಿದೆ

ನಿನ್ನ ಉತ್ತರವನ್ನೇಕೆ ಗೆಳತಿ

ನೀ ಪೋಸ್ಟ್ ಫೋನ್ ಮಾಡಿದೆ

ನಿನ್ನೆಯ ನವಿರು ನೆನವಿರಿಕೆ
ಕಾಣದ ಕನಸಿನ ಕನವರಿಕೆ
ಬತ್ತದ ಭಾವಗಳ ಬಾಯಾರಿಕೆ
ಮನಸಿನ ಮರದೆಲೆಗಳ ಮರ್ಮರಕೆ

ಕಂಗಳ ಕೊಳದೊಳಗೆ…
ಹನಿಗಳ ಹಳಹಳಿಕೆ…
ಪದಗಳಾಗಿವೆ …ಪಾಪ ಪಳೆಯುಳಿಕೆ… !!

————————————

ನೀ ಬರದೆ ಹೋದ ಹಾದಿಯಲಿ
ನಿನ್ನ ಹೆಜ್ಜೆ ಗುರುತು ಅರಸುತ್ತಾ
ಗೆಜ್ಜೆ ದನಿಗೆ ಕಿವಿಯಾಗುವಾಸೆ

ನೀ ಬರೆಯದೇ ಹೋದ ಸಾಲಿನಲ್ಲಿ
ನಿನ್ನ ಎದೆಯ ಮಿಡಿತ ಹುಡುಕುತ್ತಾ
ಕಣ್ಣ ಹನಿಗೆ ಕವಿಯಾಗುವಾಸೆ !!

ನೆನಪುಗಳ ಬಿಸಿಗಾಳಿ

ಹಗಲಿರುಳು ಬೀಸುತಿದೆ

ನಿನ್ನಾಗಮನದ ಮಂದಾನಿಲವ

ಮನವು ಬಯಸುತ್ತಿದೆ

ಪ್ರತಿಕ್ಷಣದ  ಪ್ರತೀಕ್ಷೆಯಲಿ

ಭಾವ ಬೇಸತ್ತಿದೆ

ಬಾ ಬಿರುಮಳೆಯಾಗಿ…

ಭರವಸೆಯ ಬೇರು ಸಾಯುತ್ತಿದೆ…

ನೀರೇ ಇಲ್ಲದೆ

ಓ ನೀರೆ ನೀನಿಲ್ಲದೆ….!!!

ನನ್ನೆದೆಯ ‘ಬ್ಲಾಗ್-ಸ್ಪಾಟ’ ನ್ನು

ನಿನ್ನ ಪ್ರೀತಿಯ ವರ್ಡ್ – ಪ್ರೆಸ್ ಮಾಡಿದೆ…

ಇಂಪ್ರೆಸ್ ಮಾಡಿದೆ!!
——————————————–

ನಿನ್ನ ನಿರಾಕರಣದ

ಸುತ್ತಿಗೆಯೇಟಿಗೆ

ನನ್ನೆದೆಯಲಿ ನೆಟ್ಟು ಹೋದ

ನೆನಪಿನ ಮೊಳೆಗಳು

ಚುಚ್ಚುತಲೇ ಇವೆ…

ಬಿಟ್ಟೂ ಬಿಡದೇ

ಕ್ಷಮಿಸೋಣವೆಂದು ನಾ

ಹೆಣಗಿದೆ ಏಸೋ

ಕ್ಷಮಿಸು…

ನಾ ಆಗಲಾರೆ ಯೇಸು… 🙂

——————————————–