Posts Tagged ‘kannada books review’

‘ಸಂಜು ವೆಡ್ಸ್ ಗೀತಾ’ ಚಿತ್ರದ ‘ಸಂಜು ಮತ್ತು ಗೀತಾ… ಸೇರಬೇಕು ಅಂತಾ’ ಹಾಡಿನ ಧಾಟಿಯಲ್ಲಿ, ಮುಂಬೈ ಸರಣಿ ಬಾಂಬ್ ಸ್ಫೋಟದ ಆರೋಪ ಸಾಬೀತಾದ ಹಿನ್ನೆಲೆಯಲ್ಲಿ ಟಾಡಾ ಕಾಯ್ದೆಯಡಿ ಜೈಲು ಶಿಕ್ಷೆ ಪಡೆದ ಸಂಜಯ್ ದತ್ ಕೃತ್ಯದ ಅಣಕ ‘ಸಂಜು ದತ್ತು ಜೈಲು… ಸೇರಬೇಕು ಅಂತ’

 

ಗಿಲ್ಟೀ………

ಸಂಜು ವಿ ಹೇಟ್ ಯೂ…

ಸಂಜು ದತ್ತು ಜೈಲು… ಸೇರಬೇಕು ಅಂತ
ಆರ್ಡರಾಗಿದೆ… ಸುಪ್ರೀಂ ಕೋರ್ಟಿಂದಾ
ನಮ್ಮ ಕಂಟ್ರಿಗಿಂತಾ… ದ್ರೋಹ ಕ್ರೈಮು ಅಂತಾ
ಮಾಡುವಾಗ ನೀನು… ಕಂತ್ರಿ ಅಲ್ವೇನು?

ನಿನ್ನ ಎಲ್ಲ ಫಿಲ್ಮನ್ನು… ಮರೆತು ಕಂಬಿ ಎಣಿಸಿನ್ನು
ನಿನ್ನ ಫಿಲ್ಮು ಕೃಷಿಯನ್ನು… ತೊರೆದು ಜೈಲು ವಶವಿನ್ನು

ಸಿನಿಮಾದಲ್ಲಿ… ಗಾಂಧಿಯ ಗಿರಿ… ತೋರಿದೆ
ಬಯಲಾ…ಯಿತೆ… ಬಯಲಾಯಿತೆ… ನಿನ್ನ ಬಣ್ಣವೇ?

ಸಂಜು ದತ್ತು ಜೈಲು… ಸೇರಬೇಕು ಅಂತ
ಆರ್ಡರಾಗಿದೆ… ಸುಪ್ರೀಂ ಕೋರ್ಟಿಂದಾ

ಆ ಕೋರ್ಟು ಇಂದು… ಈ ಪಾಪಿಗೆಂದು
ಟಾಡಾನ ತಂದು… ಒಳಿತಾಯಿತಿಂದು
ಏನಾಗಲಿ… ಜೈಲು ಸಂಗಾತಿ ನೀ
ನಿನ್ನ ಈ ಬಣ್ಣವು… ಇಂದೆ ಕೊನೆಯಾಗಲಿ

ಬಾಲಿವುಡ್ಡಿನಲ್ಲಿ… ದೊಡ್ಡ ತಾರೆಯಂತೆ ನಿನ್ನ
ಬೆಚ್ಚನೆಯ ಪ್ರೀತಿ… ಕೊಟ್ಟು… ಮೆಚ್ಚಿ ಹೊಗೊಳೋರನ್ನ
ಇತಿಹಾಸದ… ಪುಟ ಕಾಣದೆ… ಕುರುಡು ಜನರೆ?

ಸಿನಿಮಾದಲ್ಲಿ… ಗಾಂಧಿಯ ಗಿರಿ… ತೋರಿದೆ
ಬಯಲಾ…ಯಿತೆ… ಬಯಲಾಯಿತೆ… ನಿನ್ನ ಬಣ್ಣವೇ?

ಸಂಜು ದತ್ತು ಜೈಲು… ಸೇರಬೇಕು ಅಂತ
ಆರ್ಡರಾಗಿದೆ… ಸುಪ್ರೀಂ ಕೋರ್ಟಿಂದಾ

ಊಹಿಸಿಲ್ಲ ಯಾರು… ಖಳನಾಯಕನೆಂದು
ಇರಬಹುದೋ ಏನೋ… ನಿರ್ದೋಷಿಯೆಂದು
ಸಿನಿಮಾ ಮಾಡಿದೆ… ನೀ ಖಳ ನಾಯಕ
ನಿಜವಾ ಕಂಡರೆ… ಅದಕೂ ದುರ್ಭರ

ಕೇಳಿಕೊಳ್ಳು ನೀನು… ನಿನ್ನ ಎದೆಯ ಸಾಕ್ಷಿಯನ್ನು
ಅರಿತು ಕೊಳ್ಳಬೇಕು… ನಿನ್ನ ತಪ್ಪುಗಳನು ನೀನು
ಇದರಾಚೆಗೂ… ನಗೆನಾಚಿಕೆ… ಇಲ್ಲದೇ… ಹೋದರೆ

ಕರ್ಮವೆಲ್ಲವು… ಪಾಪಿ ಸುತ್ತುವಾ… ತರವೇ
ನೀನು ಸೇ…ರುವೆ ಜೈಲು ಸೇರುವೆ… ಮಗದೊಮ್ಮೆ

ಸಂಜು ದತ್ತು ಜೈಲು… ಸೇರಬೇಕು ಅಂತ
ಆರ್ಡರಾಗಿದೆ… ಸುಪ್ರೀಂ ಕೋರ್ಟಿಂದಾ

ಮೂಲ ಹಾಡು: ‘ಸಂಜು ವೆಡ್ಸ್ ಗೀತಾ ’ ಚಿತ್ರದ ‘ಸಂಜು ಮತ್ತು ಗೀತಾ… ಸೇರಬೇಕು ಅಂತಾ’
ಕೃಪೆ: kannadalyrics.com

ಬ್ಯೂಟೀ………

ಸಂಜು ಐ ಲವ್ ಯೂ…

ಸಂಜು ಮತ್ತು ಗೀತಾ… ಸೇರಬೇಕು ಅಂತಾ
ಬರೆದಾಗಿದೆ… ಇಂದು ಬ್ರಹ್ಮನು
ನನ್ನ ಜೀವಕ್ಕಿಂತಾ… ನೀನೆ ನನ್ನ ಸ್ವಂತಾ
ಇರುವಾಗ ನಾನು… ಚಿಂತೆ ಏನು?

ನಿನ್ನ ಎಲ್ಲ ನೋವನ್ನು… ಕೊಡುಗೆ ನೀಡು ನನಗಿನ್ನು
ನನ್ನ ಎಲ್ಲ ಖುಷಿಯನ್ನು… ಕೊಡುವೇ ನಿನ್ನ ವಶಕಿನ್ನು

ಮಳೆಯಾ ಹನಿ… ಉರುಳೋ ದನಿ… ತರವೇ
ನಗಬಾ…ರದೆ… ನಗಬಾರದೆ… ನನ್ನೊಲವೇ?

ಸಂಜು ಮತ್ತು ಗೀತಾ… ಸೇರಬೇಕು ಅಂತಾ
ಬರೆದಾಗಿದೆ… ಇಂದು ಬ್ರಹ್ಮನು

ಆ ಕಣ್ಣಿಗೊಂದು… ಈ ಕಣ್ಣಿಗೊಂದು
ಸ್ವರ್ಗಾನ ತಂದು… ಕೊಡಲೇನು ಇಂದು
ಏನಾಗಲೀ… ನನ್ನ ಸಂಗಾತಿ ನೀ
ನಿನ್ನ ಈ ಕಣ್ಣಲೀ… ಇದೆ ಕೊನೆಯಾ ಹನಿ

ಎದೆಯ ಗೂಡಿನಲ್ಲಿ… ಪುಟ್ಟ ಗುಬ್ಬಿಯಂತೆ ನಿನ್ನ
ಬೆಚ್ಚನೇಯ ಪ್ರೀತಿ… ಕೊಟ್ಟು… ಬಚ್ಚಿ ಇಡುವೆ ಚಿನ್ನ
ಇತಿಹಾಸದ… ಪುಟ ಕಾಣದ… ಒಲುಮೆ… ನೀಡುವೆ

ಮಳೆಯಾ ಹನಿ… ಉರುಳೋ ದನಿ… ತರವೇ
ನಗಬಾ…ರದೆ… ನಗಬಾರದೆ… ನನ್ನೊಲವೇ?

ಸಂಜು ಮತ್ತು ಗೀತಾ… ಸೇರಬೇಕು ಅಂತಾ
ಬರೆದಾಗಿದೆ… ಇಂದು ಬ್ರಹ್ಮನು

ಕಂಡಿಲ್ಲ ಯಾರೂ… ಆ ದೇವರನ್ನು
ಇರಬಹುದೊ ಏನೋ… ನಿನ್ನಂತೆ ಅವನು
ಗೆಳೆಯಾ ಎಂದರೆ… ಅದಕೂ ಹತ್ತಿರ
ಇನಿಯಾ ಎಂದರೆ… ಅದಕೂ ಎತ್ತರ

ಒರಗಿಕೊಳ್ಳಲೇನು… ನಿನ್ನಾ ಎದೆಗೆ ಒಮ್ಮೆ ನಾನು
ಕರಗಿ ಹೋಗಲೇನು… ನಿನ್ನಾ ಕರಗಳಲ್ಲಿ ನಾನು
ಯುಗದಾಚೆಗೂ… ಜಗದಾಚೆಗೂ… ಜೊತೆಗೇ… ಸಾಗುವೇ

ಕಡಲೆಲ್ಲವ… ಅಲೆ ಸುತ್ತುವಾ… ತರವೇ
ನಿನ್ನ ಸೇ…ರುವೇ… ನಿನ್ನ ಸೇರುವೆ… ನನ್ನೊಲವೇ

ಸಂಜು ಮತ್ತು ಗೀತಾ… ಸೇರಬೇಕು ಅಂತಾ
ಬರೆದಾಗಿದೆ… ಇಂದು ಬ್ರಹ್ಮನು

 

ಮೊನ್ನೆ ಎಂದಿನಂತೆ ನನ್ನ ಅಚ್ಚುಮೆಚ್ಚಿನ ಪುಸ್ತಕ ಮಳಿಗೆಗೆ ಗಾಂಧಿಬಜಾರಿನ ಅಂಕಿತ ಪುಸ್ತಕ ಮಳಿಗೆಗೆ ಹೋಗಿದ್ದೆ – ವಾರಾಂತ್ಯದ ಖರ್ಚಿಗೆ ಏನಾದ್ರೂ ಬೇಕಲ್ಲ ಓದೋಕೆ ಅಂತ. ಹೊಸ- ಹಳೆ ಪುಸ್ತಕಗಳ ಮೇಲೆಲ್ಲ ಒಂದ್ಸಲ ಕಣ್ಣುಹಾಯಿಸಿ ೨-೩ ಪುಸ್ತಕವನ್ನು ಪ್ರೀತಿಯಿಂದ ಕೈಗೆತ್ತಿಕೊಂಡೆ. ಪುಸ್ತಕದ ಹಣ ಕೊಟ್ಟು ಇನ್ನೇನು ಹೊರಡಬೇಕೆನ್ನುವಷ್ಟರಲ್ಲಿ ಪ್ರಕಾಶ್ ಕಂಬತ್ತಳ್ಳಿ ಅವ್ರು ಕೇಳಿದ್ರು… ತೇಜಸ್ವಿಯವರ ಹೊಸ ಪುಸ್ತಕ ಬಂದಿದೆ ನೋಡಲಿಲ್ವ? ಅರೆ ಏನು ಹೇಳ್ತಾ ಇದ್ದಾರೆ ಇವ್ರು ಅಂಬಂತೆ ಇಡೀ ಮುಖವನ್ನೇ ಪ್ರಶ್ನೆ ಮಾಡಿಕೊಂಡು ನಿಂತೆ. ಅವ್ರು ನಗುನಗುತ್ತಾ ಪುಸ್ತಕ ಕೈಗಿಟ್ಟರು. ಹೌದು ಅನುಮಾನವೇ ಇಲ್ಲ. ತನ್ನ ವಿಶಿಷ್ಟ ವಿನ್ಯಾಸದಿಂದಲೇ ಮನ ಸೆಳೆಯುವ ಪುಸ್ತಕ ಪ್ರಕಾಶನದ ಪುಸ್ತಕ. ಹೆಸರು ಪಾಕ ಕ್ರಾಂತಿ ಮತ್ತು ಇತರ ಕತೆಗಳು. ಪುಟ ತೆರೆದಂತೆ ನನ್ನ ಸಂಶಯಗಳೆಲ್ಲ ಮರೆಯಾಯ್ತು. ಅದು ತೇಜಸ್ವಿಯವರ ನೆನಪಿನಲ್ಲಿ ಹೊರಬಂದ ಅವರ ಹಳೆಯ ಬರಹಗಳ ಸಂಗ್ರಹ. (ಅರೆ, ತೇಜಸ್ವಿ ಮರೆಯಾಗಿ ಆಗಲೇ ಒಂದು ವರ್ಷ ಆಯ್ತೆ!) ವಿವಿಧ ಪತ್ರಿಕೆಗಳಲ್ಲಿ ಅಚ್ಚಾದ ಆದರೆ ಪುಸ್ತಕ ರೂಪದಲ್ಲಿ ಬಾರದಿರುವ ಕಥೆ, ಲಲಿತ ಪ್ರಬಂಧ, ಲೇಖನಗಳು ಹೀಗೆ ಯಾವ ಹೆಸರಿಟ್ಟರೂ ಒಪ್ಪಿಕೊಳ್ಳಬಹುದಾದ ಬರಹಗಳ ಸಂಗ್ರಹ.

 

ತೇಜಸ್ವಿಯವರ ಬರಹಗಳು ಅಂದ್ರೆ ಹಾಗೆ. ಹೇಳಬೇಕಾದುದನ್ನು ಆಪ್ತವಾಗುವ ಹಾಗೆ ಹಾಸ್ಯದ ಎಳೆಯೊಂದು ಬರಹದುದ್ದಕ್ಕೂ ಹರಿಸುತ್ತ ಓದುಗರನ್ನು ತಮ್ಮ ಮಾಯಾಲೋಕದೆಳೊಗೆ ಎಳೆದೊಯ್ಯುವ ಪರಿಯೇ ಅವರ ಬರಹ ನಂಗೆ ಇಷ್ಟವಾಗಲು ಕಾರಣ. ಉದಾಹರಣೆ ಬೇಕಿದ್ರೆ ಈ ಪುಸ್ತಕದಲ್ಲಿರುವ ಪಾಕಕ್ರಾಂತಿ ಬರಹವನ್ನು ಓದಿ ನೋಡಿ. ಪಾಕಶಾಸ್ತ್ರದ ಪ್ರಯೋಗಗಳನ್ನು ಮಾಡುವ ಕಥೆ ಹೇಳುತ್ತ, ಇವರ ಪಾಕ ಪ್ರಯೋಗಕ್ಕೆ ಹೆದರಿದ ನಾಯಿ ಅನ್ನದ ತಟ್ಟೆ ಕಂಡ ಕೂಡಲೆ ಭಯೋತ್ಪಾದಕರನ್ನು ಕಂಡಷ್ಟೇ ವೇಗವಾಗಿ ಕಾಲಿಗೆ ಬುದ್ದಿ ಹೇಳುವ ಪ್ರಸಂಗ, ಹೇಗಾದರೂ ಮಾಡಿ ನಾಯಿ ತಿನ್ನುವಂತೆ ಮಾಡುವ ಪ್ರಯತ್ನದಲ್ಲಿ ಒಣಮೀನು ತಂದು ಪಡುವ ಪಚೀ(ಜೀ)ತಿ, ಸ್ನೇಹಿತನ ಸಲಹೆಯಂತೆ ಕುಕ್ಕರ್‌ನಲ್ಲಿ ಅಡುಗೆ ಮಾಡೋದು ನೀರು ಕುಡಿದಷ್ಟೇ ಸುಲಭ ಅಂತ ಹೋಗಿ ಅದು ಒಂದಕ್ಕೆರಡಾಗಿ ಸ್ಫೋಟವಾಗಿ ಪೋಲಿಸರು ಬಾಂಬು ತಯಾರಿ ನಡೀತಿದೆ ಅನ್ನೋ ಅನುಮಾನದಲ್ಲಿ ತಪಾಸಣೆಗೆ ಹೋಗಿ ಅಲ್ಲಿ ಜಾರಿ ಬೀಳುವಲ್ಲಿಗೆ ಪರ್ಯಾವಸಾನಗೊಳ್ಳುವ ಈ ಕಥಾನಕದ ಮಜ ಓದಿಯೇ ತಿಳಿಯಬೇಕು…ತೇಜಸ್ವಿಯವರಿಗೇ ಮೀಸಲಾದ ಅವರದ ಆದ ಬರಹದ ಶೈಲಿಯಲ್ಲಿ. ಇದಲ್ಲದೆ ಇನ್ನು ಹಲವು ಪತ್ರಿಕೆಗಳಲ್ಲಿ ಪ್ರಕಟವಾದ ವಿವಿಧ ಬರಹಗಳ ಸಂಗ್ರಹವಿದೆ. ಒಮ್ಮೆ ಓದಿ ನೋಡಿ.

 

ತೇಜಸ್ವಿಯವರ ಮಿಕ್ಕ ಪುಸ್ತಕಗಳ ಬಗ್ಗೆ ಇನ್ಯಾವತ್ತಾದ್ರೂ ಬರೆದೇನು.

 

ಪಾಕ ಕ್ರಾಂತಿ ಮತ್ತು ಇತರ ಕತೆಗಳು

ಬೆಲೆ           ೬೦ ರೂಪಾಯಿಗಳು

ಪ್ರಕಾಶನ       – ಪುಸ್ತಕ ಪ್ರಕಾಶನ ಮೂಡಿಗೆರೆ

ಲೇಖಕರು      – ಕೆ.ಪೂಚಂತೆ