Posts Tagged ‘kannada film song’

‘ಕಡ್ಡಿಪುಡಿ’ ಚಿತ್ರದ ‘ಬೇರೇ… ಯಾರೋ… ಬರೆದಂತಿದೆ… ಸಾಲನೂ’ ಧಾಟಿಯಲಿ ನನ್ನ ‘ಸೋಲೋ’ ಸಾಲುಗಳು 🙂

ಜೀವಾ… ಭಾವಾ…
ನೆನೆದಂತಿದೆ…
ನಿನ್ನನೇ

ಗಾನಾ… ತಾನಾ…
ಗುನುಗುತ್ತಿಹೆ…
ಸುಮ್ಮನೇ

ಬೆಸೆದ ತಂತುವೇ…
ಮಿಡಿವ ಕಂಪನ…
ಅನುರಣನ…
ಅನು..ದಿನಾ

ನಿನ ಗುಂಗಲೇ…
ನಾಸ್ತಿ ನಾ
ನಿನ ಗುಂಗಲೇ…
ನಾಸ್ತಿ ನಾ

ಜೀವಾ… ಭಾವಾ…

ಕಣ್ಣಲೇ…
ಕುಂತಿಹೆ…
ಕಣ್ ತುಂಬಿಬಂತೇ…

ಕಲ್ಪನಾ…
ತಲ್ಪದಿ…
ಸ್ಪರ್ಶವಾಗದಂತೆ…

ಏಕಾಯಿತೇ…
ಈ ಅಂತರ…
ನಂಬಲ್ಲ ನಾ…ನು
ಜನ್ಮಾಂತರ…

ಕಣ್ಣಲ್ಲೇ ಇದ್ದರೂ…
ಕಣ್ಣೆವೆ ತೋಯದೆ…
ನಾನಗುವೆ…
ಭಾಷೆ..ತಗೋ…

ಅಳು ನುಂಗಿಹೆ…
ಬಿಕ್ಕದೇ
ಅಳು ನುಂಗಿಹೆ…
ಬಿಕ್ಕದೇ

ಜೀವಾ… ಭಾವಾ…
ನೆನೆದಂತಿದೆ…
ನಿನ್ನನೇ
ಗುನುಗುತ್ತಿಹೆ…
ಸುಮ್ಮನೇ

____________________________________________________________
ಮೂಲ ಹಾಡು ‘ಕಡ್ಡಿಪುಡಿ’ ಚಿತ್ರದ ‘ಬೇರೇ… ಯಾರೋ… ಬರೆದಂತಿದೆ… ಸಾಲನೂ’
ಕೃಪೆ: kannadalyrics.com

ಬೇರೇ… ಯಾರೋ…
ಬರೆದಂತಿದೆ…
ಸಾಲನು

ಬೀಸೋ… ಗಾಳಿ…
ಮರೆತಂತಿದೆ…
ಮಾತನು

ಬೆಲ್ಲದ ಹಾಗೆಯೂ…
ಕಲ್ಲೆದೆ ಕರಗುವಾ…
ಬೇಗುದಿಯೂ…
ಇದೇ..ತಕೋ

ತಡೆದಂತಿದೆ…
ನಿನ್ನನು
ತಡೆದಂತಿದೆ…
ನಿನ್ನನು

ಬೇರೇ… ಯಾರೋ…

ಜೀವವೇ…
ಪ್ರೀತಿಸು…
ಜೀವ ಹೋಗುವಂತೇ…

ಸಂತೆಯಾ…
ಮಧ್ಯವೇ…
ಸ್ವಪ್ನ ತಾಗುವಂತೆ…

ನಮ್ಮಿಬ್ಬರಾ…
ರೂಪಾಂತರ…
ಆಗಾಗ ಸ…ಣ್ಣಾ…
ಮಧ್ಯಂತರ…

ಕನ್ನಡಿಯಲ್ಲಿಯೂ…
ಕಣ್ಣಿಗೆ ಬೀಳದ…
ಭೂಮಿಕೆಯೂ…
ಇದೇ..ತಕೋ….

ಸೆಳೆದಂತಿದೆ…
ನಿನ್ನನು
ಸೆಳೆದಂತಿದೆ…
ನಿನ್ನನು

ಬೇರೇ… ಯಾರೋ…
ಬರೆದಂತಿದೆ…
ಸಾಲನು
ಮರೆತಂತಿದೆ…
ಮಾತನು

‘ಗೊಂಬೆಗಳ Love’ ಚಿತ್ರದ ‘ಪ್ರೇಮವೇ ಜೀವ… ಪ್ರೇಮವೇ ದೈವ’ ಧಾಟಿಯಲ್ಲಿ ಒಂದು ಭ್ರಷ್ಟ್ರ ಗೀತೆ… v-ಚಿತ್ರ ಗೀತೆ…ಹಾಗೇ ಸುಮ್ಮನೆ 🙂


ಗಾಂಧಿಯ ತತ್ವ… ಗಾಂಧಿಯ ಧ್ಯೇಯ
ಕೊಂದವ್ರೆ ಭ್ರಷ್ಟ… ಪುಡಾರಿಗಳು
ಸ್ಕ್ಯಾಮಿನ ಮಾರ್ಗ… ಮೋಸವೇ ಎಲ್ಲವೂ
ನುಂಗವ್ರೇ ಎಷ್ಟೋ… ಕಾಳಧನವು

ತಿಂದದ್ದೇ ಆಗ… ತಿಂದದ್ದೇ ಈಗ
ಆದರಾಗ… ಹಾಗು ಇದರಾಗ
ಮೋಸದ ಜಾಲ… ತೆಗೆಯೇ ಈಗ
ಮುಗಿತೀಗ… ಮುಂದೆ ಜೈಲು ಯೋಗ

ಗಾಂಧಿಯ ತತ್ವ… ಗಾಂಧಿಯ ಧ್ಯೇಯ
ಕೊಂದವ್ರೆ ಭ್ರಷ್ಟ… ಪುಡಾರಿಗಳು

ನೀನು ಬಿಚ್ಚದಿರು… ನಾನು ಹೇಳೆನು
ದೊಚುತಲಿ ಬಾಳುವ
ದೊಂಬರಾಟ ಸಾಗಲಿ… ಗುಪ್ತ ಆಗಿಯೇ
ಹಣ ಸೂರೆ ಗೈಯುವ

ಇನ್ನು ಮರು ಆಯ್ಕೆ ಆಗೆವು
ಇದು ಕೊನೆ ಟರ್ಮು ಹಾಗಾಗಿ
ಇರೊ ಪ್ರತಿಯೊಂದು ಸ್ಕೀಮಿನಲೂ
ಕೋಟಿ ಕೋಟಿ ನಮ್ಮದಾಗಲಿ
ಐಟಿ ದಾಳಿಯ ವೇಳೆಯೂ… ಹೊರಗೇ ಬೀಳದದು

ಸ್ಕ್ಯಾಮು ಮಾಡುತಿರೋ… ಪಕ್ಷ ಎಲ್ಲವೇ
ಸೇರಿಕೊಂಡು ದೋಚುವ
ಎಲ್ಲ ಶಾಸಕರ ಬಾ… ಕೇಳಿ ನೋಡುವ
ಹಂಚಿಕೊಂಡು ಮುಕ್ಕುವ

ಬಿಡು ಜನರೇನೇ ಹೇಳಲಿ
ಬಿಡು ಅವರೆಷ್ಟೇ ಉಗ್ಯಲಿ
ಏನ ಕಿಸಿಯೋಕೆ ಸಾಧ್ಯವೆ
ನಮ್ಮ ಹಣತಿಂಬ ಕುಂಡಲಿ
ನಮ್ಮ ಗೆಲ್ಲಿಸಿ ಕಳ್ಸಿದ… ಪ್ರಜೆಯೇ ಹಲುಬಲಿ

ಗಾಂಧಿಯ ತತ್ವ… ಗಾಂಧಿಯ ಧ್ಯೇಯ
ಕೊಂದವ್ರೆ ಭ್ರಷ್ಟ… ಪುಡಾರಿಗಳು
ಸ್ಕ್ಯಾಮಿನ ಮಾರ್ಗ… ಮೋಸವೇ ಎಲ್ಲವೂ
ನುಂಗವ್ರೇ ಎಷ್ಟೋ… ಕಾಳಧನವು

ತಿಂದದ್ದೇ ಆಗ… ತಿಂದದ್ದೇ ಈಗ
ಆದರಾಗ… ಹಾಗು ಇದರಾಗ
ಮೋಸದ ಜಾಲ… ತೆಗೆಯೇ ಈಗ
ಮುಗಿತೀಗ… ಮುಂದೆ ಜೈಲು ಯೋಗ

ಗಾಂಧಿಯ ತತ್ವ… ಗಾಂಧಿಯ ಧ್ಯೇಯ
ಕೊಂದವ್ರೆ ಭ್ರಷ್ಟ… ಪುಡಾರಿಗಳು

ಮೂಲ ಹಾಡು ‘ಗೊಂಬೆಗಳ Love’ ಚಿತ್ರದ ‘ಪ್ರೇಮವೇ ಜೀವ… ಪ್ರೇಮವೇ ದೈವ’
ಕೃಪೆ:
kannadalyrics.com

ಪ್ರೇಮವೆ ಜೀವ… ಪ್ರೇಮವೆ ದೈವ
ನಂಬಿವೆ ಎಷ್ಟೋ… ಉಸಿರುಗಳು
ಪ್ರೇಮವೆ ಸ್ವರ್ಗ… ಪ್ರೇಮವೆ ಬದುಕು
ತುಂಬಿವೆ ಎಷ್ಟೋ… ಹೆಸರುಗಳು

ತಿಳಿದೆ ಈಗ… ತಿಳಿದೆ ಈಗ
ಆನುರಾಗ… ಇದು ಅನುರಾಗ
ಎದೆಯ ಬೀಗ… ತೆಗೆದೆ ಈಗ
ಶುಭ ಯೋಗ… ಇದು ಶುಭ ಯೋಗ

ಪ್ರೇಮವೆ ಜೀವ… ಪ್ರೆಮವೇ ದೈವ
ನಂಬಿವೆ ಎಷ್ಟೋ… ಉಸಿರುಗಳು

ನೀನು ಮುಟ್ಟದಿರು… ನಾನು ಸೋಕೆನು
ಪ್ರೀತಿಸುತ ಬಾಳುವ
ಉಸಿರಾಟ ಸೋಕಲಿ… ಸಾಕು ಪ್ರೇಮಿಯೆ
ಪ್ರೇಮವಿದು ವೈಭವ

ಇನ್ನು ಮರು ಜನ್ಮ ಯಾತಕೆ
ಇದು ಕೊನೆ ಜನ್ಮವಾಗಲಿ
ಇರೊ ಪ್ರತಿಯೊಂದು ಗಳಿಗೆಯೂ
ಹೊಸ ಹೊಸ ಜನ್ಮವಾಗಲಿ
ಬಿರು ಬಿಸಿಲೋ ಮಳೆಯೋ… ಒಲವು ನಡುಗದು

ಸಾವು ಬಾರದಿರೋ.. ಲೋಕ ಎಲ್ಲಿದೆ
ಹೇಳಿಬಿಡು ಹೋಗುವ
ಎಲ್ಲ ದೇವರನ್ನು ಬಾ… ಕೇಳಿ ನೋಡುವ
ಆಯಸನ್ನು ಬೇಡುವ

ಬಿಡು ಅವನೇನೆ ಮಾಡಲಿ
ಬಿಡು ಅವನಾಟ ಸಾಗಲಿ
ಇನ್ನು ಕಸಿಯೋಕೆ ಸಾಧ್ಯವೆ
ನಮ್ಮ ಒಲವೆಂಬ ಅಂಬಲಿ
ನಮ್ಮ ಕತೆಯ ಬರೆದ… ಶಿವನೆ ನಗುವನು

ಪ್ರೇಮವೆ ಜೀವ… ಪ್ರೇಮವೆ ದೈವ
ನಂಬಿವೆ ಎಷ್ಟೋ… ಉಸಿರುಗಳು
ಪ್ರೇಮವೆ ಸ್ವರ್ಗ… ಪ್ರೇಮವೆ ಬದುಕು
ತುಂಬಿವೆ ಎಷ್ಟೋ… ಹೆಸರುಗಳು

ತಿಳಿದೆ ಈಗ… ತಿಳಿದೆ ಈಗ
ಆನುರಾಗ… ಇದು ಅನುರಾಗ
ಎದೆಯ ಬೀಗ… ತೆಗೆದೆ ಈಗ
ಶುಭ ಯೋಗ… ಇದು ಶುಭ ಯೋಗ

ಪ್ರೇಮವೆ ಜೀವ… ಪ್ರೆಮವೇ ದೈವ
ನಂಬಿವೆ ಎಷ್ಟೋ… ಉಸಿರುಗಳು

ಯಾವ ಮೋಹನ ಮುರಳಿ… ಧಾಟಿಯಲ್ಲಿ ಸಾಫ್ಟ್-ವೇರಿಗನ ಹಾಡು-ಪಾಡು ( ಹೊಸಾ ವರ್ಶನ್ 🙂 )
ಮೊದಲೊಮ್ಮೆ ಬರೆದಿದ್ದೆ, ಅದನ್ನು ಮೂಲ ಸಾಹಿತ್ಯಕ್ಕೆ ಅನುಗುಣವಾಗಿ ಪರಿಷ್ಕರಿಸಿ ತಿದ್ದಿ ತೀಡಿದ ಹಾಡು 🙂


ಯಾವ ಸಾಫ್ಟ್‌ವೇರ್ ಕಂಪನಿ ಕರೆಯಿತು… ಬೆಂಗಳೂರಿಗೆ ನಿನ್ನನು
ಯಾವ ಸಂಬಳದಾಸೆ ಕುಕ್ಕಿತು… ನಿನ್ನ ಆಸೆಯ ಕಣ್ಣನು
ಯಾವ ಸಾಫ್ಟ್‌ವೇರ್ ಕಂಪನಿ ಕರೆಯಿತು… ಬೆಂಗಳೂರಿಗೆ ನಿನ್ನನು
ಯಾವ ಸಂಬಳದಾಸೆ ಕುಕ್ಕಿತು… ನಿನ್ನ ಆಸೆಯ ಕಣ್ಣನು

ಫೋಮು ಹಾಸಿಗೆ ಟೀವಿ ಫ್ರಿಜ್ಜಿದೆ…
ಏ.ಸಿ, ತಂಪಿನ ರೂಮಿದೆ
ಫೋಮು ಹಾಸಿಗೆ ಟೀವಿ ಫ್ರಿಜ್ಜಿದೆ…
ಏ.ಸಿ, ತಂಪಿನ ರೂಮಿದೆ

ಬರಿದೆ ತುಂಬಿಹೆ ಮನೆಯ ಒಳಗೆ
ಆಫೀಸು ಅಲ್ಲವೆ ನಿಮ್ಮನೆ

ಯಾವ ಸಾಫ್ಟ್‌ವೇರ್ ಕಂಪನಿ ಕರೆಯಿತು… ಬೆಂಗಳೂರಿಗೆ ನಿನ್ನನು
ಯಾವ ಸಂಬಳದಾಸೆ ಕುಕ್ಕಿತು… ನಿನ್ನ ಆಸೆಯ ಕಣ್ಣನು

ಹೊಸೂರ್ ರೋಡಿನ ಆಚೆ ಎಲ್ಲೋ…
ನಿನ್ನ ಕಂಪನಿ ಬೇಸಿದೆ
ಟ್ರಾಫಿಕ್ ಜಾಮಿನಲಿ ಸಿಲುಕಿಕೊಂಡಿಹ…
ನಿನ್ನ ಬರುವಿಕೆ ಕಾದಿದೆ

ಯಾವ ಸಾಫ್ಟ್‌ವೇರ್ ಕಂಪನಿ ಕರೆಯಿತು… ಬೆಂಗಳೂರಿಗೆ ನಿನ್ನನು
ಯಾವ ಸಂಬಳದಾಸೆ ಕುಕ್ಕಿತು… ನಿನ್ನ ಆಸೆಯ ಕಣ್ಣನು

ವಿವಶನಾದನು ಜಾಣ… ಹ್ಮಾ…
ವಿವಶನಾದನು ಜಾಣ…
ಪರದೇಶಿಯ ಜೀತ ಜೀವನ…
ವಿವಶನಾದನು ಜಾಣ…
ಪರದೇಶಿಯ ಜೀತ ಜೀವನ…
ಸೃಜನಶೀಲತೆಯ ಬಿಟ್ಟು ಕೆರಿಯರ-ಏಳಿಗೆ
ದುಡಿಮೆಯೇ ಜೀವನಾ

ಯಾವ ಸಾಫ್ಟ್‌ವೇರ್ ಕಂಪನಿ ಕರೆಯಿತು… ಬೆಂಗಳೂರಿಗೆ ನಿನ್ನನು
ಯಾವ ಸಂಬಳದಾಸೆ ಕುಕ್ಕಿತು… ನಿನ್ನ ಆಸೆಯ ಕಣ್ಣನು

(ಗೋಪಾಲಕೃಷ್ಣ ಅಡಿಗರ ಕ್ಷಮೆ ಕೋರಿ)

——————————————————————————-
ಮೂಲ ಹಾಡು ‘ಅಮೇರಿಕಾ ಅಮೇರಿಕಾ’ ಚಿತ್ರದ ‘ಯಾವ ಮೋಹನ ಮುರಳಿ ಕರೆಯಿತು…’
ಕೃಪೆ: kannadalyrics.com
ಸಾಹಿತ್ಯ: ಗೋಪಾಲ ಕೃಷ್ಣ ಆಡಿಗ

ಯಾವ ಮೋಹನ ಮುರಳಿ ಕರೆಯಿತು… ದೂರ ತೀರಕೆ ನಿನ್ನನು
ಯಾವ ಬೃಂದಾವನವು ಸೆಳೆಯಿತು… ನಿನ್ನ ಮಣ್ಣಿನ ಕಣ್ಣನು

ಯಾವ ಮೋಹನ ಮುರಳಿ ಕರೆಯಿತು… ದೂರ ತೀರಕೆ ನಿನ್ನನು
ಯಾವ ಬೃಂದಾವನವು ಸೆಳೆಯಿತು… ನಿನ್ನ ಮಣ್ಣಿನ ಕಣ್ಣನು

ಹೂವು ಹಾಸಿಗೆ ಚಂದ್ರ ಚಂದನ…
ಬಾಹು ಬಂಧನ ಚುಂಬನ
ಹೂವು ಹಾಸಿಗೆ ಚಂದ್ರ ಚಂದನ…
ಬಾಹು ಬಂಧನ ಚುಂಬನ
ಬಯಕೆ ತೋಟದ ಬೇಲಿಯೊಳಗೆ…
ಕರಣ ಗಣದೀ ರಿಂಗಣ

ಯಾವ ಮೋಹನ ಮುರಳಿ ಕರೆಯಿತು… ದೂರ ತೀರಕೆ ನಿನ್ನನು
ಯಾವ ಬೃಂದಾವನವು ಸೆಳೆಯಿತು… ನಿನ್ನ ಮಣ್ಣಿನ ಕಣ್ಣನು

ಸಪ್ತ ಸಾಗರದಾಚೆ ಎಲ್ಲೊ…
ಸುಪ್ತ ಸಾಗರ ಕಾದಿದೆ
ಮೊಳೆಯದಲೆಗಲ ಮೂಕ ಮರ್ಮರ…
ಇಂದು ಇಲ್ಲಿಗೂ ಹಾಯಿತೇ

ಯಾವ ಮೋಹನ ಮುರಳಿ ಕರೆಯಿತು…ದೂರ ತೀರಕೆ ನಿನ್ನನು
ಯಾವ ಬೃಂದಾವನವು ಸೆಳೆಯಿತು…ನಿನ್ನ ಮಣ್ಣಿನ ಕಣ್ಣನು

ವಿವಶವಾಯಿತು ಪ್ರಾಣ… ಹ್ಮಾ…
ವಿವಶವಾಯಿತು ಪ್ರಾಣ…
ಪರವಶವು ನಿನ್ನೀ ಚೇತನ
ವಿವಶವಾಯಿತು ಪ್ರಾಣ…
ಪರವಶವು ನಿನ್ನೀ ಚೇತನ
ಇರುವುದೆಲ್ಲವ ಬಿಟ್ಟು ಇರದುದರೆಡೆಗೆ…
ತುಡಿವುದೇ ಜೀವನ

ಯಾವ ಮೋಹನ ಮುರಳಿ ಕರೆಯಿತು… ದೂರ ತೀರಕೆ ನಿನ್ನನು
ಯಾವ ಬೃಂದಾವನವು ಸೆಳೆಯಿತು… ನಿನ್ನ ಮಣ್ಣಿನ ಕಣ್ಣನು

‘ಬಚ್ಚನ್’ ಚಿತ್ರದ ‘ಮೈಸೂರ್ ಪಾಕಲ್ಲಿ… ಟೋಟಲ್ ಆಗಿ… ಎಷ್ಟು ತೂತಿದೆ?’ ಹಾಡಿನ ಧಾಟಿಯಲ್ಲಿ ಅಣಕ… ಬೆಂಗಳೂರಿನ ಟ್ರಾಫಿಕ್ ಗೋಳಿನ ಕುಹಕ… ‘ಮೈಸೂರ್ ರೋಡಲ್ಲಿ… ಸಾಲಿಡ್ಡಾಗಿ… ಜಾಮ್ ಆಗಿದೆ’ 🙂

 

ಮೈಸೂರ್ ರೋಡಲ್ಲಿ… ಸಾಲಿಡ್ಡಾಗಿ… ಜಾಮ್ ಆಗಿದೆ
ಟುಂಗ್ ಟುಂಗ್ ಟುಂಗ್ ಟುಂಗ್
ಕೆಆರ್ ಮಾರ್ಕೆಟ್ಟು… ರೋಡು ಕೂಡಾ… ಬ್ಲಾಕ್ ಆಗಿದೆ
ಟುಂಗ್ ಟುಂಗ್ ಟುಂಗ್ ಟುಂಗ್

ಕೆಲವೊಮ್ಮೆ… ಶಾರ್ಟ್-ಕಟ್ಟು… ಹುಡ್ಕೋ ಬೇಕಾಯ್ತದೆ
ಇಲ್ಲಾ ಅಂದ್ರೆ… ಸಮ್ಯಾನಾ… ತಳ್ಳ ಬೇಕಾಯ್ತದೆ

ಟ್ರಾಫಿಕ್ ನಾಲೆಜ್ಜು… ಇಲ್ದೆ ಹೋದ್ರೆ… ರಾಂಗ್ ಆಯ್ತದೆ
ಟುಂಗ್ ಟುಂಗ್ ಟುಂಗ್ ಟುಂಗ್

ಮೈಸೂರ್ ರೋಡಲ್ಲಿ… ಸಾಲಿಡ್ಡಾಗಿ… ಜಾಮ್ ಆಗಿದೆ
ಟುಂಗ್ ಟುಂಗ್ ಟುಂಗ್ ಟುಂಗ್

ಇಂಟರ್-ಸಿಟಿಲಿ… ಸಿಗ್ನಲ್ಲು ಲೈಟ್-ಜಂಪ್
ಮಾಡ್ಬಾರ್ದು ಹಿಂಗೆ… ಕೇಳಿ ಸ್ವಾಮೀ
ಇಂಥಾ ಟೈಮಲ್ಲೇ… ಸಿಗ್ನಲು ದಾಟಿದ
ಸತ್ತ್ ಹೋದಾ ನನ್ನ… ಗೆಳ್ಯಾ ಸ್ವಾಮೀ

ನ…ಮ್ಮಾ ಸಿಟಿ ರೂಟು… ಸ್ವ…ಲ್ಪಾ ಹಿಂಗೇನೇ
ಮಾ…ರ್ನಿಂಗೇ ಬೆಸ್ಟು… ಸಂ…ಜೇ… ಜಾಮೇನೆ

ಪೀಕು ಟೈಮಲ್ಲಿ… ರೋಡು ಜಾಮ್ ಆಯ್ತದೆ
ಆಟೋ ಟೂವಿಲರೂ… ಎಂಗೆಂಗೋ ನುಗ್ತವೇ

ಕಾಮನ್ ಸೆನ್ಸೇನೇ… ಇಲ್ದೆ ಹೋದ್ರೆ… ಹಿಂಗ್ ಆಯ್ತದೆ
ಟುಂಗ್ ಟುಂಗ್ ಟುಂಗ್ ಟುಂಗ್

ಮೈಸೂರ್ ರೋಡಲ್ಲಿ… ಸಾಲಿಡ್ಡಾಗಿ… ಜಾಮ್ ಆಗಿದೆ
ಟುಂಗ್ ಟುಂಗ್ ಟುಂಗ್ ಟುಂಗ್

ವಿಂಡೋ ಕಾರಲ್ಲಿ… ತೆಗೆದರೆ ಸಾಕು
ಧೂಳ್-ಕೆಟ್ಟ ಹೊಗೆ ನಮ್ಮ… ಸುತ್ತುತಾವೆ
ಹಾಲಿಡೇ ರಜೆಯ… ದಿನಗಳು ಮಾತ್ರ
ನಮ್ಗೆ ಫ್ರೆಶ್ ಆಗಿ air-ಉ… ಸಿಗುತಾದೆ

ಮೂ…ರೂ ಘಂಟೆಯಲ್ಲಿ… ಕ್ಲೀ…ಯರ್ ಆದರೇ
ಆ…ರೂ ಘಂಟೆಗೆಲ್ಲಾ… ಜಾ…ಮು ಆಯ್ತದೆ

ಆಫಿಸ್ಗೆ ಟೈಮಲ್ಲಿ… ಎಲ್ಲಿ… ಹೋಗೋಕಾಯ್ತದೆ
ಸಿಗ್ನಲ್ಲು ನ್ಯೂಸೆನ್ಸು… ಕಾಯ ಬೇಕಾಯ್ತದೆ

ತುಂಬಾ ಬಿಸ್ಲುಂಟು… ಟ್ರಾಫಿಕ್ಕಲ್ಲಿ… ಸುಸ್ತ್ ಆಯ್ತದೆ
ಟುಂಗ್ ಟುಂಗ್ ಟುಂಗ್ ಟುಂಗ್

ಮೈಸೂರ್ ರೋಡಲ್ಲಿ… ಸಾಲಿಡ್ಡಾಗಿ… ಜಾಮ್ ಆಗಿದೆ
ಟುಂಗ್ ಟುಂಗ್ ಟುಂಗ್ ಟುಂಗ್

ಮೂಲ ಹಾಡು: ‘ಬಚ್ಚನ್’ ಚಿತ್ರದ ‘ಮೈಸೂರ್ ಪಾಕಲ್ಲಿ… ಟೋಟಲ್ ಆಗಿ… ಎಷ್ಟು ತೂತಿದೆ?’
ಮೂಲ ಸಾಹಿತ್ಯ : ಯೋಗರಾಜ್ ಭಟ್
ಕೃಪೆ: ಇಂಟರ್ನೆಟ್

ಮೈಸೂರ್ ಪಾಕಲ್ಲಿ… ಟೋಟಲ್ ಆಗಿ… ಎಷ್ಟು ತೂತಿದೆ?
ಟುಂಗ್ ಟುಂಗ್ ಟುಂಗ್ ಟುಂಗ್
ಮಂಡ್ಯಾ ಮಾರ್ಕೆಟ್ಟು… ಚೂಡಿದಾರೂ… ರೇಟ್ ಏನಿದೆ?
ಟುಂಗ್ ಟುಂಗ್ ಟುಂಗ್ ಟುಂಗ್

ಕೆಲವೊಮ್ಮೆ… ಕೆಲವೊಂದು… ತಿಳಕೋ ಬೇಕಾಯ್ತದೆ
ಇಲ್ಲಾ ಅಂದ್ರೆ… ಮರ್ಯಾದೆ… ಕಳ್ಕೋ ಬೇಕಾಯ್ತದೆ

ಜನರಲ್ ನಾಲೆಜ್ಜು… ಇಲ್ದೆ ಹೋದ್ರೆ… ರಾಂಗ್ ಆಯ್ತದೆ
ಟುಂಗ್ ಟುಂಗ್ ಟುಂಗ್ ಟುಂಗ್

ಮೈಸೂರ್ ಪಾಕಲ್ಲಿ… ಟೋಟಲ್ ಆಗಿ… ಎಷ್ಟು ತೂತಿದೆ?
ಟುಂಗ್ ಟುಂಗ್ ಟುಂಗ್ ಟುಂಗ್

ಇಂಟರ್-ನೆಟ್ಟಲ್ಲಿ… ಇಡ್ಲಿ ನಾ ಡವ್ನ್-ಲೋಡ್
ಮಾಡೋದು ಹೆಂಗೇ… ಹೇಳಿ ಸ್ವಾಮೀ
ಇಂಥಾ ಪ್ರಶ್ನೇಗೆ… ಉತ್ತರ ಸಿಗದೇ
ಸತ್ತ್ ಹೋದಾ ನನ್ನಾ… ಹಳೇ ಪ್ರೇಮೀ

ನ…ನ್ನಾ ಪ್ರೀತಿ ಪಾಠಾ… ಸ್ವ…ಲ್ಪಾ ಹಿಂಗೇನೇ
ಸ್ಕೂ…ಲಿನಲ್ಲೀ ಲಾಸ್ಟು… ಬೆಂ…ಚು… ನಿಮ್ದೇನೇ

ಸಂಜೇ ಟೈಮಲ್ಲಿ… ಕ್ಲಾಸು ಸ್ಟಾರ್ಟ್ ಆಯ್ತದೆ
ಬರೀ ಹುಡುಗರಿಗೆ… ಪ್ರವೆಸಾ ಇರ್ತದೆ

ಎಜುಕೇಸನ್ನೇ… ಇಲ್ದೆ ಹೋದ್ರೆ… ರಾಂಗ್ ಆಯ್ತದೆ
ಟುಂಗ್ ಟುಂಗ್ ಟುಂಗ್ ಟುಂಗ್

ಮೈಸೂರ್ ಪಾಕಲ್ಲಿ… ಟೋಟಲ್ ಆಗಿ… ಎಷ್ಟು ತೂತಿದೆ?
ಟುಂಗ್ ಟುಂಗ್ ಟುಂಗ್ ಟುಂಗ್

ವಿಂಡೋ ಕರ್ಟನ್ನು… ತೆಗೆದರೆ ಸಾಕು
ಕೈ ಕೊಟ್ಟ ಹುಡುಗರೇ… ಕಾಣುತಾರೇ
ಕಾಫಿಡೇ ಕೊಡೆಯಾ… ಕೆಳಗಡೆ ಸುಮ್ನೆ
ನಮ್ಗೆ ಫ್ರೆಶ್ ಆಗಿ ಯಾರೋ… ಸಿಗುತಾರೆ

ಮೂ…ರೂ ಘಂಟೆಯಲ್ಲಿ… ಪ್ಯಾ…ರೂ ಆದರೇ
ಆ…ರೂ ಘಂಟೆಗೆಲ್ಲಾ… ಬೋ…ರೂ ಆಯ್ತದೆ

ಲೇಡೀಸ್ಗೆ ಲವ್ವಲ್ಲಿ… ಟೈಮು… ಬೇಕಾಯ್ತದೆ
ಗಂಡಸ್ರು ಪೇಷೆನ್ಸು… ಕಲೀ ಬೇಕಾಯ್ತದೆ

ತುಂಬಾ ಅರ್ಜೆಂಟು… ಆರೋಗ್ಯಕ್ಕೆ… ರಾಂಗ್ ಆಯ್ತದೆ
ಟುಂಗ್ ಟುಂಗ್ ಟುಂಗ್ ಟುಂಗ್

ಮೈಸೂರ್ ಪಾಕಲ್ಲಿ… ಟೋಟಲ್ ಆಗಿ… ಎಷ್ಟು ತೂತಿದೆ?
ಟುಂಗ್ ಟುಂಗ್ ಟುಂಗ್ ಟುಂಗ್

ಬಿ.ಜೆ.ಪಿ. ಯಿಂದ ಗುಳೆ ಹೊಂಟು ಹೋಗಿ, ಕೆ.ಜೆ.ಪಿ ಪಕ್ಷ ಕಟ್ಟಿದ ಮೇಲೆ, ‘ನಿಮ್-ಹಿಂದೆ’ ನಾವಿದೀವಿ… ಅಂದೋರೆಲ್ಲಾ ‘ಬೆನ್-ಹಿಂದೆ’ ಚೂರಿ ಹಾಕಿ, ಕೈ ಕೊಟ್ಟಿದ್ದು ನೋಡಿ ‘ಮಿಲನ’ ಚಿತ್ರದ ‘ಮಳೆ ನಿಂತು ಹೋದ ಮೇಲೆ…’ ಹಾಡು ಯಡ್ಡಿ ಬಾಯಲ್ಲಿ ಕೇಳಿ ‘ಗುಳೆ ಹೊಂಟು ಹೋದ ಮೇಲೆ…’ 🙂

 

ಗುಳೆ ಹೊಂಟು ಹೋದ ಮೇಲೆ… ಅಳುಕೊಂದು ಮೂಡಿದೆ
ವೋಟೆಲ್ಲಾ ಮುಗಿದಾ ಮೇಲೆ… ನನಗೇನು ಕಾದಿದೆ?

ಮಾಡುವುದು ಏನು… ಉಳಿದುಹೋಗಿದೆ?
ಸಾಯಲಿ ಏನು… ತಿಳಿಯದಾಗಿದೆ

ಗುಳೆ ಹೊಂಟು ಹೋದ ಮೇಲೆ… ಅಳುಕೊಂದು ಮೂಡಿದೆ
ವೋಟೆಲ್ಲಾ ಮುಗಿದಾ ಮೇಲೆ… ನನಗೇನು ಕಾದಿದೆ?

ಹಾವೇರೀಲಿ ಆಣೆ ಮಾಡಿ
ಬರುವೆ ಅಂದೋರ
ನಿಲುವು ಬೇರೆ ಆಯಿತೇ
ಯಾಕೆ ನಂತರ

ನಮ್ಮ ಪಾರ್ಟಿಯಲ್ಲಿ ಇಂದು
ಗೆಲ್ಲುವ ಆತುರ
ಒಂದೇ ಸಾರಿ ನೀವ್
ತೋರಿರಿ ಕನಿಕರ

ಬಿಜೆಪಿಯ ನಾಶ… ಮಾಡ ಬೇಕಿದೆ
ಮಾಡಲಿ ಹೇಗೆ… ತಿಳಿಯದಾಗಿದೆ

ಗುಳೆ ಹೊಂಟು ಹೋದ ಮೇಲೆ… ಅಳುಕೊಂದು ಮೂಡಿದೆ
ವೋಟೆಲ್ಲಾ ಮುಗಿದಾ ಮೇಲೆ… ನನಗೇನು ಕಾದಿದೆ?

ಇನ್ನು ತಡವ ಮಾಡದೆ
ಪಾರ್ಟಿಯ ಸೇರ್ರಣ್ಣ
ನಿಮ್ಮ ಹಟವ ತೋರದೆ
ಮನಸು ಮಾಡ್ರಣ್ಣ

ಗಡುವು ದೂರವೇನಿಲ್ಲ
ಹತ್ತಿರ ಬಂತಣ್ಣ
ನೀವು ಬಾರದೆ
ಏತಕೋ ತಲ್ಲಣ

ಭರವಸೆ ಎಲ್ಲಾ… ಕಳೆದು ಹೋಗಿದೆ
ಎಲೆಕ್ಷನು ಸೋಲು… ಖಾತ್ರಿಯಾಗಿದೆ

ಗುಳೆ ಹೊಂಟು ಹೋದ ಮೇಲೆ… ಅಳುಕೊಂದು ಮೂಡಿದೆ
ವೋಟೆಲ್ಲಾ ಮುಗಿದಾ ಮೇಲೆ… ನನಗೇನು ಕಾದಿದೆ?

ಮಾಡುವುದು ಏನು… ಉಳಿದುಹೋಗಿದೆ?
ಸಾಯಲಿ ಏನು… ತಿಳಿಯದಾಗಿದೆ

ಮೂಲ ಹಾಡು: ‘ಮಿಲನ’ ಚಿತ್ರದ ‘ಮಳೆ ನಿಂತು ಹೋದ ಮೇಲೆ…’ (ಸಾಹಿತ್ಯ: ಜಯಂತ ಕಾಯ್ಕಿಣಿ)
ಕೃಪೆ: http://kn.wikisource.org/wiki/

ಮಳೆ ನಿಂತು ಹೋದ ಮೇಲೆ… ಹನಿಯೊಂದು ಮೂಡಿದೆ
ಮಾತೆಲ್ಲ ಮುಗಿದ ಮೇಲೆ… ದನಿಯೊಂದು ಕಾಡಿದೆ

ಹೇಳುವದು ಏನು… ಉಳಿದು ಹೋಗಿದೆ
ಹೇಳಲಿ ಹೇಗೆ… ತಿಳಿಯದಾಗಿದೆ

ಮಳೆ ನಿಂತು ಹೋದ ಮೇಲೆ… ಹನಿಯೊಂದು ಮೂಡಿದೆ
ಮಾತೆಲ್ಲ ಮುಗಿದ ಮೇಲೆ… ದನಿಯೊಂದು ಕಾಡಿದೆ

ನೋವಿನಲ್ಲಿ ಜೀವ ಜೀವ
ಅರಿತ ನಂತರ
ನಲಿವು ಬೇರೆ ಏನಿದೆ
ಏಕೆ ಅಂತರ

ನಿನ್ನ ಹಾಡಿನಲ್ಲಿ ಇಂದು
ಬೆರೆವ ಕಾತರ
ಒಂದೇ ಸಾರಿ ನೀ
ಕೇಳೆಯ ಈ ಸ್ವರ

ಮನಸಲ್ಲಿ ಚೂರು… ಜಾಗ ಬೇಕಿದೆ
ಕೇಳಲಿ ಹೇಗೆ… ತಿಳಿಯದಾಗಿದೆ

ಮಳೆ ನಿಂತು ಹೋದ ಮೇಲೆ… ಹನಿಯೊಂದು ಮೂಡಿದೆ
ಮಾತೆಲ್ಲ ಮುಗಿದ ಮೇಲೆ… ದನಿಯೊಂದು ಕಾಡಿದೆ

ಕಣ್ಣು ತೆರೆದು ಕಾಣುವ
ಕನಸೆ ಜೀವನ
ಸಣ್ಣ ಹಠವ ಮಾಡಿದೇ
ಹೃದಯ ಈ ದಿನ

ಎದೆಯ ದೂರವಾಣಿಯ
ಕರೆಯ ರಿಂಗಣ
ಕೇಳು ಜೀವವೇ
ಏತಕೀ ಕಂಪನ

ಹೃದಯವು ಇಲ್ಲೆ… ಕಳೆದು ಹೋಗಿದೆ
ಹುಡುಕಲೇ ಬೇಕೆ… ತಿಳಿಯದಾಗಿದೆ

ಮಳೆ ನಿಂತು ಹೋದ ಮೇಲೆ… ಹನಿಯೊಂದು ಮೂಡಿದೆ
ಮಾತೆಲ್ಲ ಮುಗಿದ ಮೇಲೆ… ದನಿಯೊಂದು ಕಾಡಿದೆ

ಹೇಳುವದು ಏನು… ಉಳಿದು ಹೋಗಿದೆ
ಹೇಳಲಿ ಹೇಗೆ… ತಿಳಿಯದಾಗಿದೆ