Posts Tagged ‘kannada hani’

ನನ್ನೆದೆಯ ‘ಬ್ಲಾಗ್-ಸ್ಪಾಟ’ ನ್ನು

ನಿನ್ನ ಪ್ರೀತಿಯ ವರ್ಡ್ – ಪ್ರೆಸ್ ಮಾಡಿದೆ…

ಇಂಪ್ರೆಸ್ ಮಾಡಿದೆ!!
——————————————–

ನಿನ್ನ ನಿರಾಕರಣದ

ಸುತ್ತಿಗೆಯೇಟಿಗೆ

ನನ್ನೆದೆಯಲಿ ನೆಟ್ಟು ಹೋದ

ನೆನಪಿನ ಮೊಳೆಗಳು

ಚುಚ್ಚುತಲೇ ಇವೆ…

ಬಿಟ್ಟೂ ಬಿಡದೇ

ಕ್ಷಮಿಸೋಣವೆಂದು ನಾ

ಹೆಣಗಿದೆ ಏಸೋ

ಕ್ಷಮಿಸು…

ನಾ ಆಗಲಾರೆ ಯೇಸು… 🙂

——————————————–

ತಣ್ಣಗಿದ್ದರೂ ಒಳಗೊಳಗೇ ದಹಿಸಿ
ಕೊರೆವ ಮಂಜಿನಂತೆ…
ನಿನ್ನ ತಂಪು ನೆನಪೂ
ನನ್ನ ಸುಡುತಿದೆ ಬೆಂಕಿಯಂತೆ
———————————–
ಕವಿತೆ ಅನ್ನುವರೇನು ಸಖಿ
ಪೋಣಿಸಿದ ಪದಗಳ ಸಾಲಿಗೆ?
ಕವಿತೆಯ ಅರ್ಥವೇ ಬೇರೆ ಇದೆ
ಗೆಳತಿ ನನ್ನ ಪಾಲಿಗೆ
ಅದು…
ಮುರಿದು ಹೋದ ಕನಸೊಂದರ ತುಣುಕು
ಮುಗಿದು ಹೋದ ಕ್ಷಣವೊಂದರ ಮೆಲುಕು
ಮರೆಯಲಾಗದ ನಿನ್ನೊಂದು ಮಧುರ ನೆನಪು
—————————————-
ಕನಸಿನ ಕನ್ನಡಿಯ ಬಿಂಬಗಳೆಲ್ಲಾ
ಮನಸಿನೊಳಗೆಯೇ ಬೆತ್ತಲಾಯ್ತು
ನಿನ್ನ ಕಣ್-ಬೆಳಕಿಗೆ ಬೀಳುವ ಮೊದಲೇ
ಮರೆಯಾಗಿ ಕತ್ತಲಾಯ್ತು
————————————
ನನ್ನ ಯಾತನೆಗಳನೆಲ್ಲ
ನಿನ್ನ ಬಳಿ ಹೇಳಿಕೊಂಡು
ಹಗುರಾಗೋಣವೆಂದಿದ್ದೆ..
ಹ್ಮ್.. ಹಗುರಾಗಲು ಹೋಗಿ…
ಹಗುರವಾಗಿಬಿಟ್ಟೆ  ನೋಡು !!
————————————